ဗမာ့လွတ်လပ်ရေးသမိုင်းနဲ့ အောင်ဆန်းနေ-မောင်စွမ်းရည်

bogtoke.gif
ဗမာပြည်မှာ `အောင်ဆန်းနေ့´ ရယ်လို့တော့ သတ်မှတ်ထားတာမရှိသေးပါဘူး။ ဗိုလ်ချုပ် အောင်ဆန်းမွေးနေ့ကိုတော့ `ကလေးများနေ့´ ရယ်လို့ သတ်မှတ်ထားရှိပါတယ်။ ဖေဖော်ဝါရီ
(၁၃) ရက်နေ့။ ကလေးများနေ့ပါ။

ဗမာပြည်၊ ဗမာလူမျိုးတုိ့ရဲ့ အစဉ်အလာမှာ ကလေးတွေကို သိပ်ပြီးနေရာပေးတဲ့ အစဉ်အလာ မရှိပါဘူး။ `ကလေးဟာ ကလေးနေရာမှာနေရတယ်။ ကလေးဆိုတာ လူကြီးတွေထဲ ၀င်မရှုတ် ရဘူး´ ဆ်ိုပြီး ကန့်သတ်ထားတာတွေရှိပါတယ်။ `သူ့နေရာနှင့်သူ´ ဆိုတဲ့စကားရှိပေမယ့် ကလေးလည်း အသိဥာဏ်နှင့်လူပဲမို့ နေရာတကာ ခွဲခြားနှိမ်ချတာမျိုးတွေ မရှိသင့်ပါဘူး။ လူကြီးမိဘကို ရိုသေရမယ် ဆိုသလို ကလေးများကိုလည်း လေးစားရပါလိမ့်မယ်။ ယနေ့လူငယ် နောင်ဝယ်လူကြီးလို့ ဆရာဇော်ဂျီက စာဖွဲ့စီဖူးတယ်။ အင်္ဂလိပ်ကဗျာဆရာကြီး ၀ီလျှံဝေါ့စ်ဝပ်သ်က ကလေးဆိုတာလူကြီးရဲ့ဖခင်လို့ စာဖွဲ့ဖူးတယ်။ ဒါကြောင့်ကလေးတွေကိုလည်း နှိမ့်ချခွဲခြားတာမျိုး မလုပ်ဘဲ သူ့သိက္ခာနဲ့သူ လေးစားချီးမြှောက်ပြီး ပြုစုပျိုးထောင်ကြရပါမယ်။ လူမျိုးတမျိုးရဲ့ ယဉ်ကျေးမှုအဆင့်အတန်းကို ကလေးပြုစုပျိုးထောင်မှုနဲ့ မှတ်ကျောက်တင်ကြည့်လို့ ရကောင်း ပါတယ်။

ဗမာပြည်မှာ ကလေးများနေ့အဖြစ် ဗိုလ်ချုပ်အောင်ဆန်းရဲ့ မွေးနေ့ကို သတ်မှတ်ထားတယ်။ ကလေးများနေ့ရယ်လို့ သတ်မှတ်ရာမှာ အောင်ဆန်းမွေးနေ့ထက် သင့်တော်တဲ့နေ့မရှိပါဘူး။ အဲဒီ့နေ့မှာ လူကြီးမိဘဆရာသမားတွေက အောင်ဆန်းခေါ် ထိန်လင်းလေးရဲ့ငယ်စဉ်ဘ၀က စာကြိုးစားပုံ၊ ရိုးသားဖြောင့်မတ်ပုံ အကြောင်းအရာလေးတွေကို ပြောပြကြတယ်။ တခြား လိမ္မာရေးခြားရှိဖွယ် ပုံတိုပတ်စတွေကို ဆရာမိဘတွေက ပြောပြတဲ့အပြင် ကလေးတွေအတွက် ကဗျာရွတ်ဆိုပွဲ၊ ပုံပြောပြိုင်ပွဲ၊ ကပွဲ၊ ပြေးပွဲပြိုင်ပွဲတွေလည်း အထူးစီစဉ်ပေးကြရတယ်။ ဆိုတော့ အောင်ဆန်း `စွန့်´ မှ `စား´ ရတဲ့ စစ်ဗိုလ် စစ်သားတွေက အောင်ဆန်းဆိုတဲ့ နာမည်ကို မကြားချင်၊ မကြားရဲလို့ မကြားရအောင်ဘဲ လုပ်နေကြပါတော့တယ်။ လူမျိုးကြီး၊ လူယဉ်ကျေးတို့ ဟာ နိုင်ငံထူထောင်ခဲ့သူ အာဇာနည်တွေရဲ့ကျေးဇူးကို မမေ့ကြရဘူး။ ဗုဒ္ဓဘာသာတရားမှာလည်း `ပူဇော်ထိုက်သူ၊ ပူဇော်မူ မှတ်ယူမင်္ဂလာ´ လို့ ရှိပါတယ်။ အခုတော့ ဒါတွေမှေးမှိန်ကုန်ပါပြီ။
ဒါဆိုရင် တိုင်းပြည်နိမ့်ကျပျက်စီးတဲ့ လက္ခဏာတခုပါပဲ။

ဗမာ့လွတ်လပ်ရေးသမိုင်းကိုပြောရင် ဗိုလ်ချုပ်အောင်ဆန်းနာမည်မပါဘဲ ပြောလို့မရပါဘူး။ ဗမာပြည်ကြီးအကြောင်းပြောရင် ဧရာဝတီမြစ်ကြီးအကြောင်းမပါရင် မပြီးသလိုပါဘဲ။ ဒုတိယ ကောလိပ်သပိတ် (၁၉၃၆)၊ တတိယကောလိပ်သပိတ် (၁၉၃၈)၊ တက္ကသိုလ်သမဂ္ဂသမိုင်း၊ ဗမာ နိုင်ငံလုံးဆိုင်ရာ ကျောင်းသားသမဂ္ဂသမိုင်း၊ ဒို့ဗမာအစည်းအရုံးသမိုင်း၊ ကွန်မြူနစ်ပါတီသမိုင်း၊ ဖဆပလ သမိုင်း၊ ရဲဘော်သုံးကျိပ်သမိုင်း၊ တပ်မတော်သမိုင်း၊ ပြည်ထောင်စုနေ့သမိုင်း၊ လွတ်
လပ်ရေးနေ့သမိုင်းစတဲ့ အရေးတကြီး ဗမာ့သမိုင်းဝင်အရေးအခင်းတွေမှာ ကိုအောင်ဆန်း၊ သခင် အောင်ဆန်း၊ ဗိုလ်အောင်ဆန်းဆိုတဲ့ ရှေ့ဆုံးက ပါဝင်ဦးဆောင်ခဲ့သူမဟုတ်ပါလား။ ဒါပေမယ့် ဗိုလ်ချုပ်အောင်ဆန်းရဲ့ အတ္ထုပ္ပတ္တိဆိုတာ ဒီနေ့အထိ အခိုင်အမာမရှိခဲ့။ သမိုင်းပြုစုရေး ပညာရှင် အဖွဲ့အမျိုးမျိုး၊ အထပ်ထပ်ဖွဲ့ပြီး စစ်အစိုးရတွေရေးခိုင်းခဲ့တဲ့သမိုင်းစာအုပ်တွေ တောင်ပုံရာပုံ ရှိလာခဲ့ပေမယ့် တပ်မတော်ဖခင်၊ လွတ်လပ်ရေးဖခင်၊ ပြည်ထောင်စုဖခင်ဗိုလ်ချုပ်အောင်ဆန်းရဲ့ အတ္ထုပ္ပတ္တိကို တခါမှ လေးလေးစားစား မရေးခိုင်းခဲ့တဲ့အပြင် အောင်ဆန်းဓာတ်ပုံ၊ အောင်ဆန်း ဂူဗိမာန်အလေးပြုသူတွေကိုတောင်မှ ရာဇ၀တ်သားလို ဖမ်းဆီးထောင်ချနေတဲ့အဆင့်အထိ အဖြစ်ဆိုးနေပြီဆိုတော့ ဒီပြည်သူတွေလောက် ဒီစစ်အစိုးရကို ခံပြင်းနေတာမျိုး ရှိမှာတောင် မဟုတ်ပါဘူး။

ကလေးတွေကို ပြုစုပျိုးထောင်ရာမှာ အာဇာနည်သူရဲကောင်းတွေရဲ့ အတ္ထုပ္ပတ္တိဆိုတာ အလွန် အရေးကြီးပါတယ်။ အလွယ်အခက်၊ အကျဉ်းအကျယ် အရွယ်အမျိုးမျိုး ရေးသားထုတ်ဝေ ပေးကြ ရပါတယ်။ ကလေးတွေကို မှန်တာလုပ် ဟုတ်တာပြောရမယ်။ လိမ္မာရမယ်စသဖြင့်ပြောတာထက် အားကျစရာ အတုယူစရာပုံပြင်၊ အတ္ထုပ္ပတ္တိလေးတွေနဲ့ပြောရတာ ပိုအောင်မြင်တယ်။ ဗမာပြည်မှာ အောင်ဆန်းလိုလူမှ အားကျအတုမယူရရင် ဘယ်သူ့ကို ယူရမလဲ။

ဆရာကြီးသခင်ကိုယ်တော်မှိုင်း အနေနဲ့ပြောရရင် သခင်အောင်ဆန်းဆိုတာ သူ့တပည့်၊ သူ့သားပါ။ ဒါပေမယ့် သူ့တပည့်လုပ်ကြံခံရလို့ ကျဆုံးတော့ ဂူပုထိုးတည်ပြီး ကန်တော့ချင်တယ်လို့ စာဖွဲ့ခဲ့ တာပါ။
`သြော် – တပည့်အရင်းတွေမို့
က၀ိမတင်းနိုင်ဘုကွဲ့
သတိကင်းကာ မျက်ရည်ကျကျပြီး
ခက်ကပြီ လက်ဆည်မရနိုင်ဘု၊
သောကဘလောင်ဆူတော့ …´ စသဖြင့် ငိုကြွေးပြီး၊
`ရုပ်အကျန် ခုနှစ်လောင်းရယ်နှင့်၊
အလွန်ကောင်းစွာ ကမ္ဘာတည်မည့်
အာဇာနည်ဗိမာန် ပုထိုးကိုဖြင့်၊
ပါရမီ အဓိဋ္ဌာန်တမျိုးရယ်နှင့်၊
ရှိခိုးကာ ဆရာကန်တော့ချင်ရဲ့ …´ လို့ တပည့်တွေကိုနောက်ဆုံးပူဇော်ခဲ့လိုက်ပါတယ်။

အမျိုးသားစာဆိုကြီး ဆရာဇော်ဂျီရဲ့ ကဗျာဆိုရင်လည်း ကျောင်းတွေ၊ အိမ်တွေမှာ မှန်ဘောင်
သွင်းပြီး ချိတ်ဆွဲထားသင့်ပါတယ်။

သခင်အောင်ဆန်းတရား
(ဇော်ဂျီ)

ငါ့ညီပြောင်ဝင်း၊ မောင်သစ်ဆင်း၊
မင်း၏သားငယ်၊ မင်းသက်လှယ်ကို
အဘယ်တရားဟောမည်နည်း။

ဆန်း၏ သတ္တိ၊
ဆန်း၏ သမာဓိ၊ ဆန်း၏ ပညာ၊
ဟောစရာကား အလွန်များ၏။
မင့်သားအရွယ်၊ သက်နှစ်ဆယ်တွင်
လူငယ်အောင်ဆန်း၊ သူ့အစွမ်းကို
ပန်းကောင်းတပွင့်၊ ပန်ဆင်တင့်သို့
မင့်သား၊ သိစေချင်လှ၏။

သူ့အစွမ်းကား၊ အခြားမဟုတ်
အအုပ်ချုပ်ခံ၊ မျိုးခြားဒဏ်မှ
မြန်မာလွတ်လမ်း၊ ခရီးကြမ်းဝယ်
ဗန်းပြအလှ၊ ပကာသနကို
ပြာကျလောင်မြိုက်၊ သူမီးကိုက်၏။
ခေတ်လိုက်စာညီ၊ ခေတ်မီပညာ
ကြုံရာဘ၀၊ မုကလုံလောက်
ခံမြို့ဆောက်၏။

ထို့နောက်တဆင့်၊ မိုးထိလွင့်အောင်
ရိုးကျင့်မြင့်ကြံ၊ သူ့အလံတည့်
ပျံတလူလူ၊ သူထူခဲ့ကြောင်း
ခေါင်းဆောင်သဘော
မင့်သားချောကို၊
ပြောလိုက်ပါဘိ၊ ဟောပါဘိ … တဲ့
ဆရာဇော်ဂျီက သူ့ညီအရွယ် သူ့ခေါင်းဆောင်ကို (၁၉၃၆) ကစပြီးကျောင်းသားဘ၀တည်းက အားထားလေးစားခဲ့ပါတယ်။ ဗမာလူယဉ်ကျေးတို့သာ ပူဇော်ထိုက်သူကို ပူဇော်တတ်ကြ ပါစေသတည်း။ ။

Mr Creator ရဲ့ ဖန်တီးမှုများ

thanshwe30.jpg

မြန်မာကို အာဆီယံအဖွဲ့ဝင်အဖြစ်မှ ဆိုင်းငံ့ပေးရန် ၈၈ မျိုးဆက်ကျောင်းသားများတောင်းဆို

NEJ/ ၁၉ နိုဝင်ဘာ ၂၀၀၇-နအဖစစ်အစိုးရ၏ ဒီမိုကရေစီရေးလမ်းပြမြေပုံကို အတိအလင်း ဆန့်ကျင်ကန့်ကွက်ရန်အာ
ဆီယံခေါ် အရှေ့တောင်အာရှနိုင်ငံများအသင်းထံ ၈၈ မျိုးဆက်ကျောင်းသားများက ယနေ့တောင်းဆိုသည်။

စင်ကာပူနိုင်ငံ၌ကျင်းပနေသည့် (၁၃) ကြိမ်မြောက် အာဆီယံထိပ်သီးအစည်းအဝေး တက်ရောက်နေသော အာဆီယံနိုင်
ငံ ခေါင်းဆောင်များထံ ပေးပို့သည့်စာ၌ တောင်းဆိုခြင်းဖြစ်သည်။

“ငွေကြေးထောက်ပံ့မှုတွေ၊ စီးပွားရေးပူးပေါင်းဆောင်ရွက်မှုတွေကို နအဖနဲ့မလုပ်ဘဲ မြန်မာပြဿနာ အဖြေရှာဖို့အတွက်
ကုလသမဂ္ဂ၊ အမေရိကန်၊ အီးယူနဲ့ အခြားနိုင်ငံတွေနဲ့အတူ ပူးပေါင်း လုပ်ဆောင်ဖို့ အာဆီယံကို ကျနော်တို့ တောင်းဆိုပါ
တယ်” ဟု ၈၈ မျိုးဆက်ကျောင်းသားများ၏ ပေးစာ၌ပါရှိသည်။

အမျိုးသားပြန်လည်သင့်မြတ်ရေးအတွက် စစ်မှန်သည့်တွေ့ဆုံဆွေးနွေးမှု လုပ်ငန်းစဉ်စတင်နိုင်ရေး မြန်မာစစ်အစိုးရကို
ဖိအားပေးရန်နှင့် နိုင်ငံတကာအသိုင်းအ၀န်း၏ အားထုတ်ကြိုးပမ်းမှုများကို စစ်အစိုးရက ဆက်လက်လျစ်လျူရှုနေပြီး သိ
သာ ထင်ရှားသည့် ရလဒ်ထွက်မလာပါက နအဖကို အာဆီယံအဖွဲ့ဝင်အဖြစ်မှ ဆိုင်းငံ့ထားရန်လည်း တိုက်တွန်းထား
သည်။

အာဆီယံကရေးဆွဲထားသည့် အာဆီယံပဋိညာဉ်ကို ကြိုဆိုကြောင်းနှင့် ထိုပဋိညာဉ်သည်ဒေသတွင်း နေလူထုအားလုံး၏ လူ့အခွင့်အရေးကို ကာကွယ်ပေးနိုင်ရန် အသုံးဝင်လိမ့်မည်ဟု မျှော်လင့်ကြောင်း ၈၈မျိုးဆက်ကျောင်းသားများက ပြော
သည်။

အာဆီယံခေါင်းဆောင်များထံ ပေးပို့သည့်စာကို ၈၈မျိုးဆက်ကျောင်းသားခေါင်းဆောင်များဖြစ်သည့် ကိုထွန်းမြင့်အောင်၊
ကိုစိုးထွန်းနှင့် မနီလာသိန်းတို့က လက်မှတ်ရေးထိုးထားသည်။

မြန်မာကိုအဖွဲ့ဝင်အဖြစ်မှ ရပ်ဆိုင်းရန် အာဆီယံပယ်ချ

AP/ ၁၉ နိုဝင်ဘာ ၂၀၀၇-မြန်မာနိုင်ငံအား အာဆီယံအဖွဲ့ဝင်အဖြစ်မှရပ်ဆိုင်းရန် အမေရိကန်အ
ထက်လွှတ်တော်၏ တောင်းဆိုချက်ကို အာဆီယံအဖွဲ့က ပယ်ချလိုက်သည်။မြန်မာနိုင်ငံသည်
အာဆီယံ၏မိသားစုဝင်ဖြစ်ကြောင်း၊ ထိပ်တိုက်ရင်ဆိုင်ဖြေရှင်းခြင်းဖြင့် ရလဒ်ကောင်းများ ရမည်
မဟုတ်ကြောင်း၊ ဆွေးနွေးခြင်းဖြင့်သာအဖြေရှာမည်ဖြစ်ကြောင်းအာဆီယံအတွင်းရေးမှူးချူပ်
အောင်ကင်ယောင်က အာဆီယံနှစ်ပတ်လည် ညီလာခံမတိုင်မီတွင် ပြောကြားခဲ့သည်။ ၎င်းက
“ခင်ဗျားဟာ မိဘတယောက်ဆိုရင် သားဆိုးတယောက်ကို အိမ်ပြင်ကိုထွက်သွားစမ်း၊ငါ မင်းနဲ့
စကားမပြောချင်ဘူးလို့ ခင်ဗျားပြောမလား” ဟုသတင်းထောက်များကို ပြောသည်။ အောင်ကင်
ယောင်က ကမ္ဘာ့နိုင်ငံများသည် ဒီမိုကရေစီကို ထောက်ခံအားပေးသည့် နိုင်ငံများဖြစ်သော်လည်း
၎င်းတို့၏ အကြံဥာဏ်များကသာလျှင် အလုပ်ဖြစ်လိမ့်မည်ဟု ပြောဆိုနေခြင်းသည် တရားမျှတမှု
ရှိပါသလားဟု မေးခွန်းထုတ်ခဲ့သည်။

အမေရိကန်အထက်လွှတ်တော်က မြန်မာနိုင်ငံတွင် ဖြစ်ပွားခဲ့သည့် ဆန္ဒပြပွဲကို စစ်အစိုးရကအ
ကြမ်းဖက်နှိမ်နင်းခဲ့သည့်အတွက် မြန်မာနိုင်ငံကို အာဆီယံအဖွဲ့ဝင်အဖြစ်မှ ရပ်ဆိုင်းရေးအတွက်
တညီတညွတ်တည်းမဲပေးရန် ပြီးခဲ့သည့်သောကြာနေ့၌် သဘောတူဆုံးဖြတ်ခဲ့သည်။

ယင်းတောင်းဆိုဆုံးဖြတ်ချက်ကို အမေရိကန် ဒီမိုကရက်တစ် အထက်လွှတ်တော်အမတ် ဘာဘ
ရာဘောက်စ်ဆာကတင်သွင်းခြင်းဖြစ်ပြီး မြန်မာနိုင်ငံ၌ငြိမ်းချမ်းစွာ ဒီမိုကရေစီအသွင်ကူးပြောင်း
ရေးအတွက် အနှစ်သာရရှိသည့်လုပ်ငန်းများ လုပ်ဆောင်ရန် အာဆီယံအား တိုက်တွန်းသည်။

အောင်ကင်ယောင်က မြန်မာစစ်အစိုးရသည် သီးခြားနေရသည်ကို စိုးရိမ်ပူပန်ပုံမရှိဘဲ အထီး
ကျန်ဖြစ်စေရေး ၀ိုင်းဝန်းလုပ်ဆောင်မှုကိုလည်း စိုးရိမ်ကြောက်ရွံ့မည်မဟုတ်ဘဲ နိုင်ငံကိုတံခါး
ပိတ်၍နေမည်သာဖြစ်ကြောင်း ပြောဆိုသည်။

သက်တမ်း (၄၀) ပြည့်ပြီဖြစ်သည့် အာဆီယံအဖွဲ့ကြီး၏ (၁၃)နှစ်မြောက် ထိပ်သီးညီလာခံနှင့်
အခြားဆက်နွှယ်သည့် အစည်း အဝေးများကို စင်ကာပူနိုင်ငံတွင် ယခုလ (၁၉) မှ (၂၂) ရက်
အထိ ကျင်းပမည်ဖြစ်သည်။

အာဆီယံအဖွဲ့တွင် အင်ဒိုနီးရှား၊ စင်ကာပူ၊ ဖိလစ်ပိုင်၊ မလေးရှား၊ ထိုင်း၊ ဘရူနိုင်း၊ ဗီယက်နမ်၊
လာအို၊ ကမ္ဘောဒီးယားနှင့် မြန်မာ နိုင်ငံတို့ပါဝင်သည်။

အကျယ်ချုပ်မှ လွတ်မြောက်သည့် ဘနာဇီယာဘူတို အခြားအတိုက်အခံများနှင့်ပူးပေါင်းမည် -Agencies / ၁၆ နိုဝင်ဘာ ၂၀၀၇

16-11-07_buto.gifပါကစ္စတန်စစ်အစိုးရက အတိုက်အခံခေါင်းဆောင် ဘနာဇီယာဘူတိုအား နေအိမ်အကျယ်ချုပ်ချထားခြင်းမှ ယနေ့နံနက်အစော ပိုင်းတွင် ပြန်လည်ရုပ်သိမ်းပေးလိုက် သည်။“ဘူတိုအပေါ်ထုတ်ပြန်ထားတဲ့ ထိန်းသိမ်းမိန့်ကို အစိုးရက ရုပ်သိမ်းလိုက်ပါပြီ။ အခုအချိန်က စပြီးတော့ သူ့အနေနဲ့ သွားလိုရာကို လွတ်လွတ်လပ်လပ် သွားနိုင်ပါတယ်” ဟု မစ္စဘူတိုအိမ်တည်ရှိရာ ပါကစ္စတန် အရှေ့ပိုင်းလာဟိုးမြို့ ရဲတပ်ဖွဲ့အကြီးအကဲ အာဖ်တပ်ချီးမားက ရိုက်တာသတင်း ဌာနသို့ ပြောသည်။သို့သော် မစ္စဘူတို၏ အိမ်ရှိ သော လမ်းတ၀ိုက်တွင် ရိုင်ဖယ်သေနတ်နှင့် တုတ်များကိုင်ဆောင် ထားပြီး အရေအတွက် ရာဂဏန်းချီသော အကြမ်းဖက်နှိမ် နင်းရေးရဲများအား သူမ၏လုံခြုံရေး အတွက်ဟု အကြောင်းပြ၍ နေရာချထားသည်။ယခုလ (၃) ရက်နေ့တွင် သမ္မတဗိုလ်ချုပ် ကြီးမူရှာရတ် ထုတ်ပြန်ခဲ့သော အရေးပေါ်ဥပဒေကို ဦးဆောင်ဆန့်ကျင် ချီတက်ရန်ကြိုးစားမှုအား တားဆီးသည့်အနေဖြင့် မစ္စဘူတိုကို ယခုလ(၁၃) ရက်နေ့မှစ၍ နေအိမ်အကျယ်ချုပ်ချခဲ့ခြင်း ဖြစ်သည်။

ယမန်နေ့တွင် လွှတ်တော်နှင့်သမ္မတသက်တမ်း ကုန်ဆုံးသွားသည့် မူရှာရတ်က ၎င်းနှင့်နီးစပ်သူ အထက်လွှတ်တော် ဥက္ကဋ္ဌ မိုဟာမက်မီယံ ဆွန်မရိုကို လာမည့်နှစ် ဇန်န၀ါရီ (၉)ရက် ရွေးကောက်ပွဲကာလအထိ ကြားဖြတ်အစိုးရ ၀န်ကြီးချုပ်အဖြစ် ခန့်အပ်ခဲ့သည်။ထို့နောက် ဘနာဇီယာဘူတိုအား အကျယ်ချုပ်မှ လွတ်ပေးလိုက်ခြင်းဖြစ်သည်။

မူရှာရတ်၏ အရေးပေါ်ဥပဒေအမြန်ရပ်စဲပေးရေး တိုက်တွန်းရန်အတွက် အမေရိကန် ဒု-နိုင်ငံခြားရေးဝန်ကြီး ပါကစ္စတန်သို့ ယနေ့လာရောက်ရန်ရှိသည့် အစီအစဉ်မတိုင်မီမစ္စဘူတိုအား အကျယ်ချုပ်မှ လွှတ်ပေးခဲ့ခြင်းလည်းဖြစ်သည်။

မစ္စဘူတိုက မူရှာရတ်တွင် အာဏာမရှိတော့ပါက သူမအနေဖြင့် အခြားအတိုက်အခံများနှင့် ပူးပေါင်းပြီး ညီညွတ်သောအမျိုး သားအစိုးရတရပ်ဖွဲ့ရန် ဆန္ဒရှိကြောင်း ပြောဆိုခဲ့ပြီး ယင်းပြောကြားချက်ကို ဆော်ဒီအာရေးဘီးယားတွင် နေထိုင်လျက်ရှိသော အခြားအတိုက်အခံ တဦးဖြစ်သူ န၀တ်ရှရစ်ကလည်း သဘောတူခဲ့သည်။

၁၉၉၉ ခုတွင် ၀န်ကြီးချုပ် န၀တ်ရှရစ်ထံမှ အာဏာသိမ်းခဲ့ပြီးနောက် ဗိုလ်ချုပ်ကြီး မူရှာရတ်သည် အဲလ်ကိုင်ဒါအကြမ်းဖက်အဖွဲ့ နှင့် အာဖဂန်နစ္စတန်ရှိ တာလီဘန်သူပုန်များအား စစ်ဆင် နေသည့် အမေရိကန်၏ အမာခံမဟာမိတ်တဦး ဖြစ်လာခဲ့ပြီး ၂၀၀၁ ခုမှစ၍ အမေရိကန်ထံမှ စစ်ရေးအတွက် အများစုပါဝင်သော အထောက်အပံ့ငွေ အမေရိကန်ဒေါ်လာ (၁၀) ဘီလီယံ ကျော်ရ ရှိခဲ့သည်။

အရေးပေါ်ဥပဒေရပ်စဲပေးရေး အမေရိကန်၏ ဖိအားပေးမှုကို ရှောင်ရှားနိုင်ရန်အတွက် မူရှာရတ်က ယခုလအတွင်း ဗိုလ်ချုပ် ကြီးရာထူးမှ နုတ်ထွက်မည်ဖြစ်ကြောင်း ကတိပေး ထားသော်လည်း ဖွဲ့စည်းအုပ်ချုပ်ပုံအခြေခံဥပဒေကို ယာယီဆိုင်းငံ့ခြင်း၊ ၎င်းကိုဆန့်ကျင်သော တရားသူကြီးများအား တာဝန်မှရပ်စဲခြင်း၊ အခွင့်အရေးလှုပ်ရှားသူများနှင့် နိုင်ငံရေး သမားများအပါအ၀င် အရေအတွက်သောင်းချီရှိသော အတိုက်အခံများကို ဖမ်းဆီးခြင်းတို့ကို ပြုလုပ်ခဲ့သည်။

အတိုက်အခံများကမူ မူရှာရပ်၏ ယာယီဝန်ကြီးချုပ်ခန့်အပ်ခဲ့မှုသည် ၎င်း၏အာဏာတည် မြဲရေးအတွက် ကြိုးပမ်းမှုတခုအဖြစ် ပြောဆိုကာ လက်မခံကြပေ။

မြန်မာနိုင်ငံသို့ စစ်လက်နက်ပစ္စည်းနှင့် နည်းပညာရောင်းချသူ (၁၄) ဦး ပြစ်ဒဏ်ချမှတ်ခံရ

NEJ / ၁၆ အောက်တိုဘာ ၂၀၀၇-မြန်မာနိုင်ငံသို့ လက်နက်ပစ္စည်းများနှင့် နည်းပညာများကို တရားမ၀င်ရောင်းချမှုဖြင့် တောင်ကိုရီးယားနိုင်ငံသား (၁၄) ဦးကို ပြစ်မှုထင်ရှားကြောင်း တရားရုံးက ယမန်နေ့၌ စီရင်ချက်ချမှတ်လိုက်သည်။ဒေး
ဝူးအင်တာနေရှင်နယ် ဥက္ကဋ္ဌဟောင်း လီတေယွန်အား လက်နက်ပစ္စည်းတင်ပို့မှု၊ နည်းပညာပေါက်ကြားမှုတို့ဖြင့် ဆိုးလ်
မြို့ဗဟိုတရားရုံးချုပ်က အမေရိကန်ဒေါ်လာ(၅၄,၅၅၀) တန်ဖိုးရှိသည့် တောင်ကိုရီးယားဝမ်ငွေ သန်း (၅၀) ပေးဆောင်
ရန် ပြစ်ဒဏ်ချမှတ်လိုက်ကြောင်း တရားရုံးတာဝန် ရှိတဦးကို ကိုးကားပြီး အေပီသတင်းတွင်ဖော်ပြသည်။

စီးပွားရေးခေါင်းဆောင် (၁၀) ဦးမှာလည်း အလားတူ ငွေကြေးပမာဏအတိုင်း ဒဏ်ငွေချမှတ်ခံရပြီး ကျန် (၃) ဦးမှာမူ
ဆိုင်းငံ့ ထောင်ဒဏ် (၂) နှစ်မှ (၃) နှစ်ကြား ပြစ်ဒဏ်ချမှတ်ခံရကြောင်း အဆိုပါ တရားရုံးတာဝန်ရှိက ပြောသည်။

လက်နက်စက်ရုံ တည်ဆောက်ရေးပစ္စည်းများနှင့်နည်းပညာများကို မြန်မာနိုင်ငံသို့တရားမ၀င်တင်ပို့ရောင်းချမှုဖြင့် ထိပ်
တန်း တောင်ကိုရီးယားကုမ္ပဏီများမှ အရာရှိ(၁၄) ဦး၏ အဆိုပါအမှုကို ယမန်နှစ် ဒီဇင်ဘာတွင် စတင်စွဲဆိုခဲ့ခြင်းဖြစ်
သည်။

တရားစွဲခံရသူများသည် ဒေ၀ူးအင်တာနေရှင်နယ်နှင့် Doosan Infracore ကဲ့သို့သော ကုမ္ပဏီကြီးများအပါအ၀င်
ကုမ္ပဏီ (၇) ခုမှ ဖြစ်ပြီး ၎င်းတို့ထဲတွင် ဒေ၀ူးအင်တာနေရှင်နယ်ဥက္ကဋ္ဌ လီတေယွန်း၊ ယခင် Daewoo Heavy In-
dustries ဥက္ကဋ္ဌ ယန်ဂျေရှင်းနှင့် DoosanInfracore ၏ ဒု-ဥက္ကဋ္ဌတို့လည်း ပါဝင်သည်။

(၁၀၅) ဟောင်ဝစ်ဇာအမြောက်နှင့် တင့်ကားဖျက်ကျည်အပါအ၀င် ကျည်အမျိုးမျိုးအရေအတွက် သောင်းနှင့်ချီ၍ နှစ်
စဉ်ထုတ် လုပ်နိုင်သည့် စက်ရုံကို မြန်မာနိုင်ငံတွင် တည်ဆောက်ရန်ဒေ၀ူးနှင့်အတူ အခြားကိုရီးယားကုမ္ပဏီများသည်
မြန်မာစစ်အစိုးရ နှင့် ၂၀၀၁ ခု၌ အမေရိကန်ဒေါ်လာ (၁၃၃.၈) သန်းဖိုး စာချုပ်ချုပ်ဆိုခဲ့ကြောင်း တောင်ကိုရီးယား အမျိုးသားထောက်လှမ်းရေးဌာနက ထုတ်ပြန်ခဲ့သည်။

ယင်းကုမ္ပဏီများသည် မြန်မာနိုင်ငံ ပြည်မြို့အနီးရှိ လက်နက်စက်ရုံအတွက် တည်ဆောက်ရေးဆိုင်ရာ ပစ္စည်းများနှင့်
စစ်လက်နက်ထုတ်လုပ်သည့် ပစ္စည်းအမျိုးအစားပေါင်း (၄၈၀) ကျော်ကို ၂၀၀၂ ခုနှင့် ၂၀၀၆ ခုအတွင်း တင်ပို့ခဲ့သည်။

ယင်းလက်နက်စက်ရုံတည်ဆောက်မှုလုပ်ငန်းသည် (၉၀) ရာခိုင်နှုန်းပြီးစီးနေပြီဖြစ်ပြီး ဒေ၀ူးကုမ္ပဏီကလုပ်ငန်းအစီအ
စဉ်ရေးဆွဲကာ စက်ရုံတည်ဆောက်ရေးဆိုင်ရာ ပစ္စည်းများနှင့် လက်နက်ထုတ်လုပ်ရာတွင် လိုအပ်သည့် အစိတ်အပိုင်း
များအတွက် Doosan Infracore ကတာဝန်ယူခဲ့သည်။

တောင်ကိုရီးယားသည် လက်နက်ထုတ်လုပ်ရာတွင် အသုံးပြုနိုင်သည့် စီးပွားဖြစ်ပို့ကုန်များကို ပိတ်ပင်သည့် wassen-
aar Agreement ကို လက်မှတ်ရေးထိုးထားသည့် နိုင်ငံဖြစ်သည့်အပြင် မြန်မာနိုင်ငံသို့ လက်နက်အစိတ်အပိုင်းနှင့်
လက်နက်ထုတ် လုပ်မှုဆိုင်ရာပစ္စည်းများ၊ နည်းပညာများ တင်ပို့ရောင်းချခြင်းကို တားမြစ်ထားသည်။

ပီညဲရိုး နိုင်ငံရေးအကျဉ်းသားများနှင့်တွေ့ဆုံကာ မြန်မာနိုင်ငံခရီးစဉ်ကို အဆုံးသတ်

NEJ/ ၁၆ နိုဝင်ဘာ ၂၀၀၇-ကုလသမဂ္ဂမြန်မာနိုင်ငံဆိုင်ရာ လူ့အခွင့်အရေးအထူးကိုယ်စားလှယ်
ပါမောက္ခ ပေါ်လိုဆာဂျီယို ပီညဲရိုးသည် (၁၈) နှစ်ကျော် အကျဉ်းကျခံနေရသည့် သတင်းစာဆ
ရာကြီး ဦးဝင်းတင်အပါအ၀င် နိုင်ငံရေးအကျဉ်းသားအချို့နှင့်တွေ့ဆုံပြီးနောက် ၎င်း၏ (၅)ရက်
ကြာ မြန်မာနိုင်ငံခရီးစဉ်ကို အဆုံးသတ်ခဲ့သည်။ပီညဲရိုးသည်ယမန်နေ့မွန်းလွဲပိုင်းက အင်းစိန်ဗဟို
အကျဉ်းထောင်သို့ သွားရောက်ကာနှစ်ရှည်နိုင်ငံရေးအကျဉ်းသား ဦးဝင်းတင်၊ ယခုသီတင်းပတ်
အင်္ဂါနေ့၌ဖမ်းဆီးခံရသည့် လူ့အခွင့်အရေးလှုပ်ရှားသူ မစုစုနွေး၊ ၈၈ မျိုးဆက်ကျောင်းသားခေါင်း
ဆောင် ကိုမင်းဇေယျတို့ အပြင် ပုသိမ်မြို့မှအမျိုးသားဒီမိုကရေစီအဖွဲ့ချုပ်ဝင် ဦးမောင်ကံနှင့် ဦး
ကြည်သန်းတို့ကိုပါတွေ့ဆုံခဲ့ကြောင်း ယနေ့ထုတ်နအဖသတင်းစာများတွင်ပါရှိသည်။ဦးဝင်းတင်
သည် ကျန်းမာရေးအခြေအနေကောင်းမွန်ပြီး စိတ်ဓာတ်မြင့်မားဆဲဖြစ်ကြောင်း၊ ဖမ်းဆီးထားသူ
အများအပြားကို လွှတ်ပေးခဲ့သည့်အတွက် စစ်အစိုးရကို ကျေးဇူးတင်ကြောင်းနှင့် ၎င်းတွေ့ဆုံခဲ့
သူများအပါအ၀င် ပြန်မလွတ်သေးသည့် နိုင်ငံရေးအကျဉ်းသားများအတွက် စိုးရိမ်ပူပန်မိကြောင်း
ပီညဲရိုးက ရန်ကုန်လေဆိပ်တွင်ပြုလုပ်သည့် ယမန်နေ့သတင်းစာရှင်းလင်းပွဲ၌ပြောကြားကြောင်း
အေဂျင်စီသတင်းများတွင် ဖော်ပြသည်။

ထိန်းသိမ်းခံထားရသူတို့၏ အခြေအနေနှင့် အမည်စာရင်းအချက်အလက်များကို စစ်အစိုးရက
ပေးလိုက်သည့်အတွက် အလွန်ဝမ်းမြောက်မိကြောင်း၊သို့သော် ဒေါ်အောင်ဆန်းစုကြည်နှင့်တွေ့
ဆုံရန် တောင်းဆိုချက်ကိုမူ စစ်အစိုးရက ခွင့်မပြုခဲ့ကြောင်း ပီညဲရိုးက ပြောသည်။

ပီညဲရိုးသည် (၄) နှစ်ကျော် မြန်မာနိုင်ငံလာရောက်ခွင့် ပိတ်ပင်ခံခဲ့ရပြီးနောက် ပြီးခဲ့သည့်
စက်တင်ဘာတွင်ဖြစ်ပွားခဲ့သည့် ဆန္ဒပြမှုများအတွင်း စစ်အစိုးရ၏လူ့အခွင့်အရေး ချိုးဖောက်မှု
များကို စုံစမ်းစစ်ဆေးရန် ယခုလ (၁၁) ရက်က မြန်မာနိုင်ငံသို့ လာ ရောက်ခွင့် ရရှိခြင်းဖြစ်သည်။

ခရီးစဉ်အတွင်း မြန်မာအာဏာပိုင်များနှင့်သာမက ကုလသမဂ္ဂအမှုထမ်းများ၊ သံဃာတော်များ၊
ဖမ်းဆီးခံထားရသူများ၊ တိုင်းရင်းသားအဖွဲ့အစည်းများမှ ကိုယ်စားလှယ်များနှင့် ကျယ်ကျယ်
ပြန့်ပြန့်တွေ့ဆုံနိုင်ခဲ့သည်။

ပီညဲရိုးသည် ထိုင်းနိုင်ငံသို့ရောက်ရှိနေပြီး ယနေ့နံနက်၌ ထိုင်းနိုင်ငံခြားရေးဝန်ကြီးနှင့်တွေ့ဆုံခဲ့
ကြောင်း ထိုင်းနိုင်ငံခြားရေးဝန် ကြီးဌာနက သတင်းထုတ်ပြန်သည်။

ပီညဲရိုးသည် မြန်မာနိုင်ငံလူ့အခွင့်အရေးအခြေအနေနှင့်ပတ်သက်သည့် ၎င်း၏ စုံစမ်းစစ်ဆေး
တွေ့ရှိချက်များကို ကုလသမဂ္ဂ လူ့အခွင့်ရေးကောင်စီသို့ အစီရင်ခံတင်ပြမည်ဖြစ်သည်။

Follow

Get every new post delivered to your Inbox.