ကျနော်တို့ မြန်မာစစ်အစိုးရနဲ့ပတ်သက်ပြီး ဘာမှမရေးဖြစ်တာကြာပါပြီ။ ဒါပေမယ့် နိစ္စဓူဝ ကြားနေ ဖတ်နေရတဲ့ စစ်အစိုးရရဲ့ လုပ်ရပ်တွေက စိတ်ဆိုးစရာ၊ ဒေါသဖြစ်စရာတွေချည်းပဲဆိုတော့လည်း စာရေးချင်စိတ်က ပေါ်လာပြန်တာပါပဲ။ ရေးစရာအကြောင်းတွေကလည်း ခေါင်းထဲမှာ အလိုလို ရောက်လာတော့ ကိုယ်ရေးပြီးသားတွေများ ဖြစ်မလားဆိုပြီး website archive ကိုပြန်ကြည့်၊ ဂျာနယ်ဟောင်းတွေကို ပြန်ရှာကြည့်လိုက်တော့ ၁၅.၉.၂၀၀၄ က `စစ်အာဏာရှင်၊ ပြည်သူနဲ့ စတော့ပ်ဟုန်းစင်ဒရုန်းအန္တရာယ်´၊ ၂၃.၁၀.၂၀၀၄ က `ပြုပြင်၍မရအောင် ကမ်းကုန်သူများ (သို့) မြန်မာ့မိုက်လုံး ကမ္ဘာကို ဖုံးလွှမ်းစေရမည်´၊ ၂၂.၁၂.၂၀၀၄ က `စစ်အာဏာရှင်နှင့် သူ၏ ကကြိုး
များ´၊ ၁၄.၉.၂၀၀၅ က `စစ်အာဏာရှင်စနစ် အမြစ်ပြတ်ရေး´၊ ဖေဖော်ဝါရီ ၂၀၀၄ ခေတ်ပြိုင်
ဂျာနယ် `စစ်အာဏာရှင်နှင့် ဖမ်းလွှတ်ကစားနည်း အသွယ်သွယ်´ စတဲ့ဆောင်းပါးတွေကို သွားတွေ့ရပါတယ်။ တခြားဆောင်းပါးတွေလည်း တကယ်တော့ စစ်အာဏာရှင်တွေနဲ့ပဲ ပတ်သက်တာပါပဲ။ ပြန်ဖတ်ကြည့်လိုက်တော့ ကျနော်ခုရေးချင်တဲ့ အချက်အလက်၊ တင်ပြချင်တဲ့ အချက်အလက်တွေချည်းပါပဲ။ အဲဒီတုန်းကလည်း စစ်အာဏာရှင်တွေရဲ့ ဇာတိရုပ်နဲ့ သူတို့ရဲ့ ဦးတည်ချက် နည်းပရိယာယ်တွေကို ရေးသားတင်ပြခဲ့ပြီးပြီဆိုတာ သွားတွေ့ရတယ်။
စစ်အာဏာရှင်အစိုးရဟာ သူတို့ရဲ့အာဏာကို နည်းနည်းလောက် ထိပါးလာတယ်လို့ထင်ရတဲ့ လှုပ်ရှားမှုတွေနဲ့ပတ်သက်ရင် လုံးဝသည်းမခံဘူး။ လုပ်တဲ့လူ လူကြီးလူငယ်မရွေး ဖမ်းမယ်၊ ပြစ်ဒဏ်ကြီးကြီးမားမား ချပစ်မယ်။ နိုင်ငံတကာဖိအားပေးလာရင် ရာဇ၀တ်အကျဉ်းသား
အများစုနဲ့ နိုင်ငံရေးအကျဉ်းသားနည်းနည်းလောက် လွှတ်ပြမယ်။ နောက် လက်သိပ်ထိုး
ပြန်ဖမ်းမယ်။ နောက်တခါ ဖိအားထပ်ပေးပြန်ရင် အဲဒီလိုပဲ ရာဇ၀တ်အကျဉ်းသားများများနဲ့ နိုင်ငံရေးအကျဉ်းသားနည်းနည်း ပြန်လွှတ်ပြမယ်။ အဲဒီလိုနဲ့ ကမ္ဘာကိုလိမ်နေတာဟာ အခုဆို ရာစုနှစ်တ၀က်လောက် ရှိလာခဲ့ပါပြီ။ ခုလည်း ဒီနည်းကို သုံးတုန်းပါပဲ။ နိုင်ငံတကာကလည်း `အပြုသဘောဆောင်လာပါပြီ´၊ `သဘောထား ပျော့ပျောင်းလာပါပြီ´၊ `ဒီမိုကရေစီ ပြုပြင် ပြောင်းလဲရေးဘက်ကို ဦးတည်လာပါပြီ´ ဆိုပြီး ခေါင်းညိတ်လက်ခံတုန်းပါပဲ။ ကျနော်တို့ ပြည်သူတွေသာ ဒုက္ခမျိုးစုံနဲ့ လုံးပါးပါးကာ တိုင်းပြည်သာ ချွတ်ခြုံကျလာတာပါပဲ။
နိုင်ငံရေးပြဿနာကို စားပွဲဝိုင်းမှာ နိုင်ငံရေးနည်းနဲ့ ဆွေးနွေးအဖြေရှာတာ အကောင်းဆုံးပါပဲ။ အဲဒီလိုယုံကြည်ပြီး ရွေးကောက်ပွဲ အနိုင်ရပါတီ NLD က တွေ့ဆုံဆွေးနွေးဖို့ တောင်းဆိုခဲ့တာ ကြာလှပါပြီ။ လက်နက်ကိုင်တိုင်းရင်းသားလူမျိုးစုတွေကလည်း တွေ့ဆုံဆွေးနွေးရေး ကမ်းလှမ်း တောင်းဆိုထားခဲ့တာ၊ လမ်းဖွင့်ထားတာ ကာလရှည်ကြာလှပါပြီ။ စစ်အာဏာရှင်အစိုးရက ဘယ်လိုတုံ့ပြန်ခဲ့ပါသလဲ။ ခုဆို စစ်အစိုးရ ၀န်ကြီးအဆင့် ဗိုလ်ချုပ်တွေကိုယ်တိုင်က အမျိုးသား ဒီမိုကရေစီအဖွဲ့ချုပ်နဲ့ တွေ့ဆုံဆွေးနွေးစရာ မလိုတော့ပါဘူး၊ တွေ့ဆုံဆွေးနွေးလိမ့်မယ် မဟုတ်
ဘူးလို့ အတိအလင်း ကြေညာထားခဲ့ပါပြီ။ သဘောထားက ရှင်းပါတယ်။ စစ်ဗိုလ်ချုပ်ကြီး
တွေပဲ သမ္မတဖြစ်ခွင့်ရှိတဲ့ ပြည်သူက ရွေးချယ်တင်မြှောက်ခံစရာမလိုတဲ့ စစ်တပ်ကိုယ်စားလှယ် (၂၅%) ပါဝင်မယ့် လွှတ်တော်နဲ့ စစ်အာဏာရှင်စနစ်လက်သစ်တခု ထူထောင်ပြီး ကိုယ့်အမျိုးသား ကိုယ့်ပြည်သူကို တသက်လုံးကျွန်ပြုသွားဖို့ ဦးတည်ထားပါတယ်။ အဲဒီဦးတည်ချက်အောင်မြင်ဖို့ ၁၉၈၈ ခုနှစ်ကစပြီး နည်းပရိယာယ်အမျိုးမျိုး၊ ကလိန်ကညစ်နည်းအသွယ်အသွယ်နဲ့ ကြိုးစား လာခဲ့တာ မြင်သာထင်ရှားဖြစ်ပါတယ်။
လူထုမပါလောက်တော့ဘူးလို့ အထင်သေးပြီး လူထုခေါင်းဆောင် ဒေါ်အောင်ဆန်းစုကြည်ကို လွှတ်ပေးကြည့်တယ်။ ဒါပေမယ့် ထင်သလို မဟုတ်ဘဲ လူထုထောက်ခံမှုအင်အား သိပ်ကြီးလာ တဲ့အခါ ခြေမကိုင်မိ လက်မကိုင်မိဖြစ်ပြီး သဘောမတူသူ မထောက်ခံသူ ပြည်သူတွေက ကန့်ကွက် ဆန့်ကျင်တယ်ဆိုပြီး ကြိုတင်ကြံစည်တဲ့ စစ်အစိုးရဦးဆောင် လုပ်ကြံသတ်ဖြတ်မှုကြီးဖြစ်တဲ့ ဒီပဲယင်းလုပ်ကြံမှုကို အကွက်ကျကျ စီစဉ်ခဲ့ပါတယ်။ ကံကြီးလွန်းလို့ လွတ်မြောက်သွားတဲ့ လူထု ခေါင်းဆောင် ဒေါ်အောင်ဆန်းစုကြည်ကို ခုချိန်ထိ နေအိမ်အကျယ်ချုပ်နဲ့ ထားခဲ့ပါတယ်။ ဒီထက် ကမ်းကုန်အောင် ဆိုးသွမ်းမိုက်ရိုင်းတဲ့လုပ်ရပ် ရှိပါသေးသလား။ ဒါပေမယ့် စစ်အာဏာရှင်တွေရဲ့ သေနတ်နဲ့ အကျဉ်းထောင်ကို ပြစီးခြောက်လှန့်ထားမှုတွေအောက်မှာ ပိပြားနေတဲ့ ပြည်သူတွေက အုံကြွဆန့်ကျင်မှု မလုပ်ရဲခဲ့ကြပါဘူး။
နိုင်ငံတကာက ဖိအားပေးဆန့်ကျင်လာတဲ့အခါ Road Map ဆိုတာနဲ့ ထွက်ပေါက်ရှာပြီး ခုချိန်ထိ အချိန်ဆွဲထားနိုင်ခဲ့ပါတယ်။ အဲဒီ Road map ကိုသုံးပြီး တရားမ၀င်စစ်အစိုးရကနေ တရားဝင်
စစ်အစိုးရဖြစ်အောင် လုပ်ဖို့ကြိုးစားလာခဲ့တာ ခုဆို သူတို့ရဲ့ရည်ရွယ်ချက် အောင်မြင်လုနီးနီး ဖြစ်လာခဲ့ပါပြီ။ ဒါကို သိမြင်နားလည်ထားတဲ့ အကျဉ်းထောင်က လွတ်မြောက်လာကြသူ ၈၈ မျိုးဆက်ကျောင်းသားခေါင်းဆောင်တွေက မတရားတဲ့ အမိန့်အာဏာတွေကို ဆန့်ကျင်အန်တု ပြလာကြသလို လူ့အခွင့်အရေးလှုပ်ရှားသူတချို့ကလည်း ဥပဒေဘောင်အတွင်းကနေ အကြမ်း မဖက်တဲ့နည်းနဲ့ စစ်အုပ်ချုပ်ရေးကို ဆန့်ကျင်ကန့်ကွက်၊ တရားမျှတမှုနဲ့ လူ့အခွင့်အရေးကို တောင်းဆိုလာခဲ့ကြပါတယ်။
အဲဒီအခါ နိုင်ငံတကာကို တရားဥပဒေရှိပါတယ်၊ ဥပဒေနဲ့အညီ အုပ်ချုပ်နေပါတယ်လို့ လိမ်ညာ ထားတဲ့ စစ်အစိုးရအတွက် အဲဒီအကြမ်းမဖက် အာခံဆန့်ကျင်မှုတွေကို ထိန်းချုပ်ကိုင်တွယ်လို့ အခက်အခဲ အကြီးအကျယ်ရှိလာပါတယ်။ ဆင်းရဲမွန်းကြပ်မှုတွေနဲ့ မတရားအနိုင်ကျင့် ဖိစီးနှိပ်စက် မှုတွေကို ခါးစည်းခံနေကြရတဲ့ ပြည်သူတွေကလည်း မထူးတော့ဘူးဆိုပြီး ပါဝင်ပူးပေါင်းလာ ကြပါတယ်။ အဲဒီအချိန်မှာ စစ်အာဏာရှင်တွေက ၁၉၈၈ လို လူထုအုံကြွမှုမျိုး ထပ်ဖြစ်လာမှာကို အကြီးအကျယ် ထိတ်လန့်လာခဲ့ပါတော့တယ်။ တကယ်လို့များ ရှစ်လေးလုံး လူထုအုံကြွမှု လူထုအရေးတော်ပုံကြီး ထပ်ပြီးဖြစ်ပေါ်လာမယ်ဆိုရင် လူထုအင်အားကို ထိန်းမနိုင်သိမ်းမရ
ဖြစ်ခဲ့ရင် ဒီတကြိမ်မှာတော့ စစ်အာဏာရှင် သူတို့ကိုယ်တိုင်သာမက သူတို့ရဲ့ အလိုတော်ရိ၊ ဘက်တော်သားတွေပါ ဇာတ်သိမ်းကောင်းနိုင်လိမ့်မယ် မဟုတ်ဘူးလို့ သူတို့ အမှန်တကယ် နားလည်သွားကြပါပြီ။
ဒီအခြေအနေနဲ့ ကြုံတွေ့လာရတဲ့အခါမှာလည်း စစ်အစိုးရမှာ သူ့ရဲ့စစ်မဟာဗျူဟာ လေ့လာရေး ဌာနကြီးက စူးစမ်းရှာဖွေတွေ့ရှိထားတဲ့ နည်းလမ်းကောင်းတလက်ဖြစ်တဲ့ လူထုထဲက ဖောက်ပြန် တဲ့အတွေးခေါ်ရှိသူ၊ ကိုယ်ကျိုးရှာသမား၊ လူမသမာတွေကို အခွင့်အရေးပေး မွေးမြူပြီး လူထုကို လူထုက ပြန်ဆန့်ကျင်ကန့်ကွက်စေတဲ့နည်းကို အသုံးချလာပြန်ပါတယ်။ ဒါဟာလည်း နည်းသစ် တခုတော့ မဟုတ်ပါဘူး။ ရှစ်လေးလုံး လူထုဒီမိုကရေစီ အရေးတော်ပုံကာလမှာလည်း အသုံးချ ခဲ့ပြီးပါပြီ။ ဒါပေမယ့် မအောင်မြင်ခဲ့ရှာပါဘူး။
ဒါပေမယ့် ခုချိန်မှာတော့ လူနည်းစုသာရှိသေးတဲ့ အကြမ်းမဖက်အာခံဆန့်ကျင်သူတွေကို ဖောက်ပြန် တဲ့ ပြည်သူ့သစ္စာဖောက် လူအုပ်စုကြီးက ၀ိုင်းဝန်းဖမ်းဆီး နှိပ်ကွပ်တဲ့နည်းကို စစ်အာဏာရှင်တွေ စပြီးအသုံးချနေတာကို တွေ့မြင်နေရပါတယ်။ တကယ်တမ်း ကျနော်တို့ပြည်သူလူထု နားလည် ထားကြရမှာကတော့ ကျနော်တို့နိုင်ငံ စစ်အာဏာရှင်စနစ်ကို ဖယ်ရှားရှင်းလင်းပစ်နိုင်တဲ့သူဟာ ပြည်သူလူထုကြီးကိုယ်တိုင်သာ ဖြစ်ပါတယ်။ ပြည်ပနိုင်ငံရောက် အတိုက်အခံဒီမိုကရေစီ အင်အား စုတွေဟာ အရန်အင်အားစုသာဖြစ်ပါတယ်။ တခြားကမ္ဘာ့နိုင်ငံတွေရဲ့ ဖိအားပေးမှုဟာ အရန်ရဲ့ အရန်အင်အားစုလောက်သာ ဖြစ်တယ်ဆိုတာပါပဲ။
သန်း (၅၀) ကျော်ရှိတဲ့ ပြည်သူလူထုကြီးကသာ တကယ်တန်းငြင်းဆန်လက်မခံဘူးဆိုရင် ဘယ်လို အာဏာရှင်မျိုးမှ မခံနိုင်ပါဘူး။ ကျဆုံး နိဂုံးချုပ်ရမှာပါပဲ။ ကျနော်တို့မှာရှိတာက သန်း (၅၀) ကျော်၊ စစ်အာဏာရှင် စစ်အစိုးရမှာရှိတာက (၄) သိန်းပတ်ဝန်းကျင်လောက်ပဲရှိတာပါ။ ပြည်သူတွေ အားလုံးကသာ ဒါဟာ ငါတို့ရဲ့အရေးဖြစ်တယ်၊ ငါတို့တိုက်ရမယ့် တိုက်ပွဲဖြစ်တယ်လို့ စူးစူးနစ်နစ် ယုံကြည်ပြီး ပါဝင်လာကြတဲ့အချိန်မှာ ပြည်သူ့ဒီမိုကရေစီ အရေးတော်ပုံကြီး ထပ်ပြီးဖြစ်ပေါ်လာ
ဦးမှာ အသေအချာပါပဲ။ အကြမ်းမဖက်တဲ့ ပြည်သူ့အရေးတော်ပုံကြီးရဲ့ ညီညွတ်စည်းလုံးမှုအင်အားနဲ့ ရင်ထဲက ပေါက်ကွဲတုန်ခါထွက်ပေါ်လာတဲ့ ကြွေးကြော်သံတွေရဲ့အောက်မှာ စစ်အာဏာရှင်တွေနဲ့ စစ်အာဏာရှင်စနစ်ကြီး ချုပ်ငြိမ်းကွယ်ပျောက်သွားတော့မှာပါ။
အဲဒီလိုမဟုတ်ဘဲ အာဏာငန်းဖမ်းနေတဲ့ စစ်အာဏာရှင်တွေက ဆက်ပြီး သူတို့ဟာ အာဏာ
တည်မြဲရေးအတွက် ကျားကုတ်ကျားခဲ ကြံ့ကြံ့ခံနေဦးမယ်ဆိုရင်လည်း ပြည်သူတွေက ဒါဟာ စည်းစည်းရုံးရုံးနဲ့ ငါတို့တိုက်ရမယ့်စစ်ပွဲပဲလို့ ဆုံးဖြတ်လိုက်ပြီဆိုရင်တော့ စစ်အာဏာရှင်တွေဟာ
လုံးဝခုခံဖြိုဖျက်လို့မရတဲ့ ပြည်သူ့စစ်ကို မလွဲမသွေ ရင်ဆိုင်ကြရမှာ အသေအချာပါပဲ။ “ပြည်သူ့ စစ်ကိုအနိုင်ယူနိုင်တဲ့ စစ်တပ်ရယ်လို့ ဘယ်တုန်းကမှ မရှိခဲ့ပါဘူး။ အဲဒီအခြေအနေအထိ ဆက် မိုက်တွင်းနက်နေကြဦးမယ်ဆိုရင်တော့ အသေဆိုးနဲ့ မိုက်ဇာတ်သိမ်းကြရမှာပဲ ဖြစ်ပါတယ်။
အခုအချိန်မှာ မြန်မာနိုင်ငံ ရန်ကုန်မြို့တော်နဲ့ အနယ်နယ်အရပ်ရပ်မှာ ပေါ်ပေါက်လာနေတဲ့ လူ့အခွင့် အရေးလှုပ်ရှားမှုတွေ၊ ပြည်သူ့ဆန္ဒထုတ်ဖော်ပြသမှုတွေနဲ့ လူထုခေါင်းဆောင် ဒေါ်အောင်ဆန်း စုကြည်နဲ့ ဖမ်းဆီးထားတဲ့ နိုင်ငံရေးအကျဉ်းသားတွေအားလုံး လွတ်မြောက်ရေး စုပေါင်းဆုတောင်း ပွဲတွေဟာ စစ်အစိုးရရဲ့ကျောရိုးကို သွင်သွင်ရိုက်ချိုးပစ်တော့မယ့် နောက်ဆုံးကောက်ရိုးတမျှင်ဖြစ် လာဖို့ တာစူနေပြီဖြစ်တဲ့အတွက် လှည်းနေလှေအောင်း မြင်းစောင်းမကျန် မြန်မာပြည်သူတရပ်လုံး ပူးပေါင်းပါဝင်ပြီး စစ်အာဏာရှင်စနစ်ဆိုးကို ရိုက်ချိုးပစ်ကြပါစို့လို့ တိုက်တွန်းရေးသား လိုက်ပါတယ်။ ။
Filed under: ဆောင်းပါး | Leave a comment »