ခြံစည်းရိုးစာကပ်မှုဖြင့် ဖမ်းဆီးခံရသူ ဦးသိန်းဇံကိုအာမခံဖြင့်လွှတ်ပေး-NEJ / ၂၉ မတ် ၂၀၀၇

သင်္ဃန်းကျွန်း နေအိမ်ခြံစည်းရိုးတွင် သတင်းစာနှင့် ဂျာနယ်ပါဆောင်းပါးများကပ်မှုဖြင့် ဖမ်းဆီး အရေးယူခံရသည့် ဦးသိန်းဇံကို ယမန်နေ့ညနေပိုင်းတွင် အင်းစိန်ထောင်မှ အာမခံဖြင့် လွှတ်ပေး လိုက်သည်။

“အဘကို  မနေ့ညနေ (၅) နာရီကျော်ကျော်လောက်မှာ ထောင်မှူးက ထောင်ဗူးဝအထိ ခေါ်ထုတ် လာတယ်။ အဘကို အာမခံ (၂) ယောက်နဲ့ ကျနော်တို့ပြန်လွှတ်ပေးလိုက်ပါပြီတဲ့။  အာမခံ (၂) ယောက်က သူတို့ဖတ်ပြတဲ့အရ တယောက်ကို သိန်း (၅၀) တဲ့၊ (၂) ယောက်ကို  သိန်း (၁၀၀) ပေါ့။ အဲဒီအာမခံစာရွက်နဲ့ ပြန်လွှတ်ပေးလိုက်ပါတယ်တဲ့” ဟု ဦးသိန်းဇံက ပြောသည်။

ဦးသိန်းဇံအား ပြီးခဲ့သည့် မတ် (၂၆) ရက်၌ ရုံးထုတ်ရာတွင်  ဦးသိန်းဇံ၏ အကျိုးဆောင်ရှေ့နေ ဦးအောင်သိန်းက အာမခံလျှောက်ထားခဲ့သော်လည်း တရားရုံးက အာမခံငြင်းပယ်ခဲ့ပြီးနောက် ယခုကဲ့သို့ ရုတ်တရက် ကြားဖြတ် အာမခံပေးလိုက်ခြင်းဖြစ်သည်။

“အိမ်ရောက်မှ အာမခံတဲ့လူတွေအကြောင်း သိရတယ်။ အာမခံတဲ့လူတွေက ဘယ်ကလူတွေလဲ၊ ဘယ်သူတွေလဲဆိုတာ အိမ်ကလူတွေလည်း မသိဘူး။ ဒါပေမယ့် လာရောက်အာမခံပေးတဲ့အတွက်
တော့ ကျေးဇူးအများကြီးတင်ပါတယ်။ ၀မ်းသာတာပေါ့ဗျာ” ဟု ဦးသိန်းဇံက ပြောသည်။

ယမန်နေ့မွန်းလွဲပိုင်းတွင် လူ (၂) ယောက်က ဦးသိန်းဇံ၏ဇနီးနှင့်သားတယောက်ကို နေအိမ်၌ လာရောက်ခေါ်ဆောင်ပြီး သင်္ကန်းကျွန်းမြို့နယ်တရားရုံးတွင် ဦးသိန်းဇံ၏ဇနီးအား အာမခံ လျှောက် ခိုင်းကာ နေအိမ်၌ပြန်စောင့်နေရန် ပြောကြားခဲ့သည်ဟု ၎င်းကပြောသည်။

“အဘကို အာမခံလုပ်ပြီးထုတ်လိုက်ပါပြီတဲ့။ အဘ (၂) ရက်နေ့ရုံးချိန်းကို သွားလိုက်ပါတဲ့၊ အဲဒီကျ ရင်တော့ အေးအေးဆေးဆေးဖြစ်သွားပါလိမ့်မယ်တဲ့၊ သူတို့ကပြောတယ်။ ဦးကြည်မောင်နှင့် ဦးစိုးမြင့်ဆိုပြီး ပြောသွားတယ်” ဟု ဦးသိန်းဇံက ပြောသည်။

ဦးသိန်းဇံက သတင်းနှင့်ဂျာနယ်များတွင် ရေးသားထားသည့်ဆောင်းပါးများနှင့် ဆောင်းပါးရှင်အချို့၏ နာမည်ကို ဖြတ်ညှပ်ပြီး ခြံစည်းရိုးတွင် ကပ်ထားခဲ့သဖြင့် သင်္ဃန်းကျွန်းမြို့နယ် ဒု-ရဲမှူးစိုးဝင်းက ဆန့်ကျင် စာကပ်သည်ဟုစွပ်စွဲကာ အများပြည်သူအကျိုးပျက်စီးစေမှုကို ဖြစ်ပေါ်စေသည့် ပြဋ္ဌာန်းချက် ပုဒ်မ ၅၀၅ (ခ) ဖြင့် ဦးသိန်းဇံကို တရားစွဲခြင်းဖြစ်သည်။

ယခုလ (၇) ရက်တွင် မြို့နယ်အာဏာပိုင်များက ဦးသိန်းဇံကို ဖမ်းဆီးပြီး  အင်းစိန်ထောင်သို့ပို့ခဲ့ကာ
(၈) ရက်တွင် အမှုစတင်စစ်ဆေးပြီးနောက် ဧပြီ (၂) ရက်သို့ ရုံးချိန်း ထပ်မံချိန်းဆိုထားသည်။

ဦးသိန်းဇံအား ကြားဖြတ်အာမခံပေးသည့်ကိစ္စနှင့် အာမခံသည့် ငွေပမာဏ ကျပ် သိန်း (၁၀၀) သည် မြို့နယ်တရားရုံးစီရင်ပိုင်ခွင့်ငွေအတိုင်းအတာထက် ကျော်လွန်နေသဖြင့် အစိုးရအာဏာပိုင်များက လုပ်သည်ဟုယူဆရကြောင်း ရှေ့နေဦးအောင်သိန်းက ပြောသည်။

၎င်းက “ဒါကတော့ မူအားဖြင့်လုပ်တာပါ။ အမှန်ကတော့ အာဏာပိုင်ကနေ အာမခံပေးတဲ့သဘောပါ။ အာမခံတယ်ဆိုတာ သိတဲ့လူမှအာမခံတာလေ။ မသိဘဲနဲ့အာမခံတယ်ဆိုတော့ ဒါ အာဏာပိုင်က လုပ်ပေးလို့ပေါ့” ဟု ပြောသည်။

ဦးသိန်းဇံအမှုအား တရားစွဲသင့် မစွဲသင့်ဆိုသည်ကို ဧပြီ (၂) ရက်တွင် တရားရုံးက
အမိန့်တရပ်ချမည်ဟု သိရသည်။

ထိုင်း-မြန်မာ မြောက်ပိုင်း မီးခိုးမှိုင်းအရေး ဆွေးနွေးဖြေရှင်းမည်-TNA / ၂၉ မတ် ၂၀၀၇

ထိုင်း-မြန်မာနှစ်နိုင်ငံမြောက်ပိုင်း၌ မီးခိုးများအုံ့ဆိုင်းနေသည့်ကိစ္စ ဖြေရှင်းရေးသည် ထိုင်း-မြန်မာ နယ်စပ်ကော်မတီ အစည်းအဝေး၌ အဓိကဆွေးနွေးမည့် ခေါင်းစဉ်ဖြစ်သည်ဟု ထိုင်းကိုယ်စားလှယ် ခေါင်းဆောင်က ယနေ့ပြောကြားသည်။

တာချီလိတ်၌ကျင်းပသည့် ထိုအစည်းအဝေးကိုတက်ရန် နယ်စပ်ကိုမဖြတ်ကျော်မီ ထိုင်းကိုယ်စားလှယ် ခေါင်းဆောင် ထိုင်းမြောက်ပိုင်း တော်ဝင်သံချပ်ကာတပ်မမှ ဗိုလ်မှူးကြီး Somphong Jaengjamras က သတင်းထောက်များကို ပြောကြားခြင်းဖြစ်သည်။

ယခုကျင်းပသည့် (၅၁) ကြိမ်မြောက် နယ်စပ်ကော်မတီအစည်းအဝေး၌ နှစ်ဖက်နိုင်ငံ၌ ဖြစ်ပေါ်နေသည့် တောမီးနှင့် တောင်ယာ ရှို့မီးများကို တင်းကျပ်စွာထိန်းထားနိုင်ရေးအတွက် ဦးစားပေးဆွေးနွေးကြ မည်ဖြစ်သည်။

ထိုင်းနိုင်ငံက ဒေသခံပြည်သူများ၏ ကျန်းမာရေးကို ထိခိုက်ခြိမ်းခြောက်နေသည့် ဤမီးခိုးများကိစ္စကို ဖြေရှင်းရန် မြန်မာ၊ လောနိုင်ငံတို့နှင့် ပူးပေါင်းလုပ်ဆောင်သွားမည်ဟု ထိုင်းအစိုးရ၏ မီးခိုးဖုံးလွှမ်း နေမှုပြဿနာ ဖြေရှင်းရေးအဖွဲ့ခေါင်းဆောင် ဒု-၀န်ကြီးချုပ် ပိုင်ဘွန်ဝါထနာဆီရီထမ်က ယခုလ
(၂၆) ရက်၌ ပြောကြားခဲ့သည်။

အဓမ္မခိုင်းသူအာဏာပိုင်နှစ်ဦး အပြစ်ပေးခံရ-ပီတာအောင် / ၂၉ မတ် ၂၀၀၇

အဓမ္မအလုပ်ခိုင်းစေသည့် ကျေးရွာအာဏာပိုင် (၂) ဦးကို မကွေးတိုင်း အောင်လံမြို့နယ်တရားရုံးက ယမန်နေ့၌ ထောင်ဒဏ် (၆) လစီ ချမှတ်လိုက်သည်ဟု တရားခွင်သို့ သွားရောက်နားထောင်ခဲ့သူ တဦးကပြောသည်။

အပြစ်ပေးခံရသည့် ကျေးရွာအာဏာပိုင်နှစ်ဦးမှာ အောင်လံမြို့နယ်၊ စိမ်းစိုရွာမှ ရပ်ကွက်အေးချမ်း သာယာရေးနှင့် ဖွံ့ဖြိုးရေးကောင်စီ (ရယက) ဥက္ကဋ္ဌ ဦးညိုတုတ်နှင့် အဖွဲ့ဝင် ဦးမြလှိုင်တို့ဖြစ်ပြီး စိမ်းစိုရွာရှိ အိမ်ထောင်စု (၉၄) စုကို စိမ်းစိုသစ်တောကြိုးဝိုင်းအတွင်း ယခင်လ၌ အဓမ္မအလုပ်ခိုင်းစေမှုဖြင့် ပြစ်ဒဏ် ချမှတ်ခံရခြင်းဖြစ်သည်။

သစ်တောဦးစီးဌာန၏ ညွှန်ကြားချက်အရဟုဆိုကာ ကျေးရွာအာဏာပိုင် (၂) ဦးနှင့် သစ်တောဝန်ထမ်း များက ရွာသားများကို ထိုက်သင့်သည့်အခကြေးငွေမပေးဘဲ ခိုင်းစေခဲ့ပြီး ရွာသားများက သစ်ပင်များကို ခုတ်လှဲသယ်ယူခြင်း၊ လှည်းဖြင့်သစ်တိုက်ခြင်း၊ တောရှင်းရခြင်းနှင့် (၄) မိုင်ခန့်ရှည်သည့် လမ်းဖောက် လုပ်ခြင်း စသည်တို့ကို သီတင်းနှစ်ပတ်ကျော် စိတ်ဆန္ဒမပါဘဲ လုပ်ဆောင်ပေးခဲ့ရသည်ဟု ဒေသခံ ရွာသားတဦးက ပြောသည်။

ယင်းသို့ခိုင်းစေမှုကို မကျေနပ်သည့်အတွက် စိမ်းစိုရွာသား ကိုအေးလွင်က နိုင်ငံတကာအလုပ်သမား အဖွဲ့ချုပ် (အိုင်အယ်လ်အို) ရန်ကုန်ရုံးသို့ သွားရောက်တိုင်ကြားခဲ့သည်။

ယခုလ (၁၄) ရက်တွင် နေပြည်တော်မှ လုပ်အားပေးကိစ္စနှင့်ပတ်သက်သည့် အထူးစုံစမ်းရေး ခေါင်းဆောင် ဗိုလ်မှူးကြီးချစ်ရှိန်နှင့်အဖွဲ့ စိမ်းစိုရွာသို့ သွားရောက်စစ်ဆေးပြီးနောက် အောင်လံမြို့နယ် မယကဥက္ကဋ္ဌ ဦးမြင့်ဝေကိုယ်တိုင် တရားလိုအဖြစ်တရားစွဲဆိုခြင်းဖြစ်သည်။ ကိုအေးလွင်နှင့် ရွာသား အချို့က သက်သေအဖြစ် ဆောင်ရွက်ကြသည်။

ကျေးရွာအာဏာပိုင်နှစ်ဦးကိုသာ အရေးယူပြီး အဓမ္မအလုပ်ခိုင်းစေရာတွင် ပါဝင်သည့် သစ်တော အရာရှိနှင့် ၀န်ထမ်းများကိုမူ အရေးမယူသည့်အတွက် ရွာသားများကမကျေနပ်ဟု ဒေသခံတဦးက ပြောသည်။

၎င်းက “ဘာဖြစ်လို့မကျေနပ်တာတုန်းဆိုတော့ ဒီအဓမ္မလုပ်အားပေးတဲ့ကိစ္စမှာ တကယ်တမ်းက သစ်တောဦးစီးအရာရှိတွေနဲ့ ၀န်ထမ်းတွေနဲ့ ပူးပေါင်းဆောင်ရွက်ပြီးမှ ဒီကိစ္စကပေါ်ပေါက်ရတာကိုး။ သူတို့ကို အရေးယူတာ ဆောင်ရွက်တာ မလုပ်တဲ့အခါကျတော့ ဒေသခံလူထုရဲ့အမြင်က လုပ်အားပေးကိစ္စမှာ တိုင်တန်းရတာ နည်းနည်းတော့အားမရဘူးပေါ့ဗျာ” ဟု ပြောသည်။

ဤအမှုသည် အဓမ္မအလုပ်ခိုင်းစေမှုကို တိုင်းတန်းသူအား အရေးယူမည်မဟုတ်ဟု မြန်မာအစိုးရက ကမ္ဘာ့အလုပ်သမားရေးရာအဖွဲ့ချုပ် (အိုင်အယ်လ်အို) နှင့် သဘောတူညီမှုရပြီးတဲ့နောက် ပထမဆုံး ပစ်ဒဏ်ချသည့်အမှုဖြစ်သည်။

မြန်မာနိုင်ငံတွင် အဓမ္မလုပ်အားပေးမှုကို တိုင်ကြားနိုင်သည့်လုပ်ငန်းစဉ် စတင်နိုင်မှုနှင့် အဓမ္မ လုပ်အားပေးခိုင်းစေမှုကို တိုင်ကြားရန် အစီအစဉ်နှင့်ပတ်သက်၍ နအဖနှင့် အိုင်အယ်လ်အိုအကြား နားလည်မှုစာချွန်လွှာ လက်မှတ်ထိုးနိုင်မှုတို့ကို  ကြိုဆိုသည်ဟု ယမန်နေ့ကကျင်းပသည့် အိုင်အယ်လ်အို အုပ်ချုပ်ရေးအစည်းအဝေးက ဆုံးဖြတ်သည်။

ဆုံးဖြတ်ချက်တွင် ရန်ကုန်မြို့ရှိ အိုင်အယ်လ်အို ဆက်သွယ်ရေးအရာရှိရုံးအတွက် လိုအပ်သော ၀န်ထမ်း ဦးရေ ပိုမိုခန့်ထားခွင့်ပေးရန်  နအဖစစ်အစိုးရကို တောင်းဆိုထားပြီး မြန်မာနိုင်ငံ၏ အဓမ္မအလုပ် ခိုင်းစေမှုများကို နိုင်ငံတကာတရားရုံး (အိုင်စီဂျေ) ထံ လွှဲပြောင်းမည့်ကိစ္စကို ဆက်လက်လေ့လာရန် ဆိုင်းငံ့ထားမည်ဟုလည်း ပါဝင်သည်။

နိုင်ငံရေးအကျဉ်းသားအားလုံးလွှတ်ပေးရန် ကုလသမဂ္ဂကိုယ်စားလှယ် တောင်းဆို-NEJ / ၂၈ မတ် ၂၀၀၇

28-3-07_pno.gifသတင်းစာဆရာကြီး ဦးဝင်းတင်အပါအ၀င် နိုင်ငံရေးအကျဉ်းသား (၁,၂၀၀) ကျော်စလုံးကို ချက်ချင်းလွှတ်ပေးရန် မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေးအထူးကိုယ်စားလှယ် ပါမောက္ခ ပေါ်လို ဆာဂျီယိုပီညဲရိုးက မြန်မာစစ်အစိုးရကို ထပ်မံတောင်းဆိုသည်။

အသက် (၇၇) နှစ်ရှိ ဦးဝင်းတင်ကို ထောင်ထဲ၌ ဆက်လက် အကျဉ်းချ ထားသည်ကို အလွန် စိတ်မကောင်းဖြစ်ရကြောင်း၊ ဦးဝင်းတင်သည်
၁၉၈၉ ခု ဇူလိုင် (၄) ရက်ကတည်းက အကျဉ်းကျခံရသည်ြဖစ်၍
မြန်မာနိုင်ငံတွင် ထောင်သက်တမ်းအရှည်ကြာဆုံး နိုင်ငံရေးအကျဉ်းသား

ဖြစ်နေကြောင်း မစ္စတာပီညဲရိုးက ယမန်နေ့၌ ကြေညာချက်ထုတ်ပြန် ပြောဆိုသည်။

၎င်းက “မြန်မာအစိုးရက သူ့ဘာသာသူလုပ်နေတဲ့ ဒီမိုကရေစီလမ်းကြောင်းမှာ နိုင်ငံရေးအကျဉ်းသား တွေအတွက် မပါပါဘူး။ ဒါ့အပြင် နိုင်ငံရေးအကျဉ်းသားတွေအားလုံး လွှတ်ပေးခြင်းအားဖြင့် အမျိုးသားပြန်လည်သင့်မြတ်ရေးနဲ့ ဒီမိုကရေစီစနစ်ကူးပြောင်းရေးဖြစ်စဉ်ဟာ ချောမွေ့သွားမှာ ဖြစ်ပါတယ် ” ဟုပြောသည်။

လွတ်လပ်စွာထုတ်ဖော်ခွင့်၊ စုရုံးခွင့်နှင့် အသင်းအပင်းဖွဲ့စည်းခွင့် စသည့်အခွင့်အရေးများကို ငြိမ်းချမ်းစွာလုပ်ဆောင်မှုဖြင့် မြန်မာနိုင်ငံတွင် လူပေါင်း (၁,၂၀၀) ကျော် ထောင်သွင်းအကျဉ်းကျ ခံနေရပြီး နိုင်ငံရေးအကျဉ်းသား အများအပြား အသက်အရွယ်ကြီးနေပြီး ကျန်းမာရေးချို့တဲ့နေသဖြင့် ဆေးကုသမှု အပူတပြင်း လိုအပ်နေသည်ဟုလည်း မစ္စတာပီညဲရိုးက ပြောကြားသည်။

ပင်လယ်ပြင်အသက်ဘေးမှ လွတ်မြောက်လာသူများက ကုမ္ပဏီပိုင်ရှင်အား တရားစွဲ -ကိုဝိုင်း / ၂၈ မတ် ၂၀၀၇

အစားအစာနှင့်ရေ လုံလောက်မှုမရှိဘဲ အင်ဒိုနီးရှားရေပိုင်နက်မှ အသက်ရှင်လွတ်မြောက်လာသူ ထိုင်းနှင့်မြန်မာ လှေလုပ်သားများက ၎င်းတို့၏လုပ်ခ စုစုပေါင်း ဘတ် (၁၅) သန်းကျော် ရရှိနိုင်ရန် Praphasnavee အမည်ရှိ ထိုင်းမိသားစုကုမ္ပဏီပိုင်ရှင်အား ယခုလ (၂၆) ရက်၌ တရားစွဲဆိုသည်။

တရားစွဲသည့် လှေလုပ်သား (၆၁) ဦးအနက် ထိုင်းနိုင်ငံသား (၁၈) ဦးပါဝင်ပြီး ထိုင်းရှေ့နေ (၄) ဦးက လိုက်ပါဆောင်ရွက်ပေးနေပြီး ထိုင်းနိုင်ငံ စမွတ်စခွန်ခရိုင်ရှိ မဟာချိုင်အလုပ်သမားတရားရုံး၌ တရားစွဲခြင်းဖြစ်ကြောင်း မြန်မာနိုင်ငံဒီမိုကရေစီရရှိရေး ထိုင်းလှုပ်ရှားမှုကော်မတီ (TACDB) မှ မြန်မာပိုင်းတာဝန်ခံ ဦးမြင့်ဝေက ပြောသည်။

ထိုလှေလုပ်သားများသည် ကုမ္ပဏီကပေးသည့် ထိုင်းအမည်အတုဖြင့် စာရွက်စာတမ်းအတုများ ကိုင်ဆောင်ပြီး ကုမ္ပဏီပိုင် ငါးဖမ်းလှေ (၆) စင်းဖြင့် ၂၀၀၃ ခုတွင် မဟာချိုင်မှ စတင်ထွက်ခွာသွားခဲ့ပြီး ယမန်နှစ် ဇူလိုင်တွင် မဟာချိုင်သို့ ပြန်ရောက်လာခဲ့သည်။

လှေမထွက်မီက အင်ဒိုနီးရှားရေပိုင်နက်၌ (၄၅) ရက်ခန့်သာကြာမည်ဟု ထင်မှတ်ခဲ့သော်လည်း လှေပေါ်တွင် (၃၅) လအထိ ကြာခဲ့ပြီး တနေ့ (၂-၃) နာရီခန့်သာ အိမ်ခွင့်ရကြောင်း၊ ဖမ်းထားသည့် ငါးများကို သက်ဆိုင်ရာဆိပ်ကမ်းများသို့ ပြန်သယ်လာသည့် လှေများမှတဆင့်သာ တလစာရိက္ခာကို လစဉ်ရရှိပြီး ကိုယ်တိုင်ကမ်းတက်ခွင့်မရခဲ့ကြောင်း အသက်ရှင်လွတ်မြောက်လာသူ မြန်မာရေလုပ်သား ကိုစိုးမိုး (၂၇) နှစ်က တရားရုံး၌လျှောက်ထားသည်ဟု ရိုက်တာသတင်းတွင် ဖော်ပြသည်။

အင်ဒိုနီးရှားရေပိုင်နက်၌ (၂) နှစ်ကျော်ကြာပြီးနောက် ငါးဖမ်းခွင့် သက်တမ်းအသစ်တိုးရန် စောင့်ဆိုင်း နေစဉ် ရိက္ခာပြတ်သွားပြီး ပင်လယ်ထဲမှ ရရာစားသုံးနေခဲ့ရာမှ အစာအဆိပ်သင့်ပြီး ထိုင်းနိုင်ငံသား အချို့အပါအ၀င် (၃၉) ဦးသေဆုံးခဲ့ကြောင်း သိရသည်။

သေဆုံးသူ (၃၉) ဦးတွင် ထိုင်းလူမျိုးများလည်းပါဝင်ပြီး သေဆုံးသူများအနက် (၂) ဦးကိုသာ အင်ဒိုနီးရှားနိုင်ငံ၌ သင်္ဂြိူဟ်ခဲ့ပြီး ကျန်အလောင်းများကို လှေပဲ့ထိန်းက ပင်လယ်ထဲသို့ ပစ်ချခဲ့ကြောင်း အသက်ဘေးမှလွတ်လာသည့် ထိုင်းလူမျိုး Sangiem Fuangfu က တရားရုံး၌လျှောက်ထားသည်။

၎င်းတို့၏လှေ မဟာချိုင်သို့ ပြန်ဆိုက်ချိန်တွင် လှေကုမ္ပဏီက အသက်ရှင်ကျန်သူတဦးကို လုပ်အားခ အဖြစ် ဘတ်ငွေ (၃,၀၀၀) စီသာပေးခဲ့ကြောင်း၊ လုပ်ခအပြည့်ပေးရန် ကုမ္ပဏီပိုင်ရှင်ထံ အကြိမ်ကြိမ် တောင်းဆိုသော်လည်း မရသဖြင့် အစိုးရမဟုတ်သည့်အဖွဲ့ဖြစ်သည့် Labour Rights Promotion Network (LPN) ကို အကူအညီတောင်းခံရာမှ တရားစွဲသည့်အဆင့် ရောက်လာခြင်းဖြစ်သည်။

ယခုအမှုကို TACDB ၊ ထိုင်းနိုင်ငံရှေ့နေများကောင်စီနှင့် LPN တို့က ပူးပေါင်းဆောင်ရွက်ပေးနေကြောင်း သိရသည်။

ထိုင်းနိုင်ငံ စမွတ်စခွန်ခရိုင်ရှိ မဟာချိုင်ကို ‘မြန်မာနိုင်ငံလေး’ ဟု လူသိများပြီး မြန်မာရွှေ့ပြောင်း အလုပ်သမားဦးရေ သောင်းနှင့်ချီ၍ ပင်လယ်စာလုပ်ငန်းများတွင် အလုပ်လုပ်ကိုင်နေကြသည်။

သေဆုံးသူ (၃၉) ဦး၏ မိသားစုနှင့် ဆွေမျိုးများကိုရှာဖွေပြီး သေဆုံးသူများအတွက် နစ်နာကြေး တောင်းသည့် ရာဇ၀တ်မှုတရားရုံး၌ အမှုဖွင့်ဦးမည်ဟု သိရသည်။

ဤအမှုကို အချက်အလက်မပြည့်စုံသေးဟု အကြောင်းပြ၍ ဧပြီ (၁၈) ရက်သို့ ပြောင်းရွှေ့ချိန်းဆို လိုက်သည်ဟုသိရသည်။

နအဖစစ်တပ်၏ ချင်းအမျိုးသမီးများအား မတရားပြုကျင့်မှု အစီရင်ခံစာထုတ်ပြန်-ချမ်းလွန် / ၂၈ မတ် ၂၀၀၇

နအဖစစ်တပ်က ချင်းအမျိုးသမီးများအား မတရားပြုကျင့်နေသည့်အကြောင်း အစီရင်ခံစာတစောင်ကို ချင်းလန်းအမျိုးသမီးများအဖွဲ့ချုပ် (WLC) က ထုတ်ပြန်ပြီး မြန်မာစစ်အစိုးရအား စစ်လက်နက်အကူ အညီများမပေးရန် အိန္ဒိအစိုးရကို တောင်းဆိုသည်။

ယမန်နေ့ကထုတ်ပြန်သည့် အစီရင်ခံစာ၌ WLC က လက်လှမ်းမီသမျှ စာရင်းပြုစုထားသည့် ချင်းပြည်နယ်မှ မတရားပြုကျင့်ခံရသည့် အမျိုးသမီး (၃၈) ဦး၏အမှုကိစ္စကို ဖော်ပြထားပြီး အစီရင်ခံစာကို အန္ဒိယအစိုးရထံသို့ ပေးပို့သည်။

နအဖစစ်တပ်၏ မတရားပြုကျင့်ခံရသည့် ချင်းအမျိုးသမီးများသည် အသက် (၁၂) နှစ်မှ (၄၀) အရွယ်ထိဖြစ်ကြပြီး ချင်းပြည်နယ် မတူပီ၊ ထန်တလန်၊ ပလက်ဝ၊ ဟားခါးနှင့် ဖလန်း စသည့် ဒေသများမှဖြစ်ကြောင်း WLC ၏ တာဝန်ခံ (၁) ချယ်ရီဇာဟောင်က ပြောသည်။

မတရားပြုခံရသူများအနက် ထက်ဝက်သည် အုပ်စုဖွဲ့ပြုကျင့်ခံရသူများဖြစ်ပြီး သုံးပုံတပုံမှာ နအဖ စစ်အရာရှိများ၏ မတရားပြုကျင့်မှုကိုခံရသူများဖြစ်သည်ဟု အစီရင်ခံစာတွင် ဖော်ပြသည်။

နအဖစစ်တပ်က မရားပြုကျင့်မှုများကို လက်နက်ဖြင့် ခြိမ်းခြောက်ကျူးလွန်ခြင်းဖြစ်ပြီး အမျိုးသမီး များအား မတရားပြုကျင့်ပြီး နှိပ်စက်သတ်ဖြတ်မှုများလည်းရှိကြောင်း ချယ်ရီဇာဟောင်က ပြောသည်။

၎င်းက “ဒီ (၃၈) ယောက်ထဲက ကျမတို့ တွေ့ရှိချက်အရဆိုရင် မုဒိမ်းကျင့်ပြီးတော့ ရက်ရက်စက်စက် အသတ်ခံရတာ ပါတယ်။ ခြေတွေလက်တွေကို ကြိုးနဲ့ချည်ထားတဲ့အလောင်း ပြန်တွေ့တဲ့ဟာလည်း ပါတယ်။ ပြီးတော့ ပါးစပ်ကို ပိတ်ထားတဲ့အလောင်း ပြန်တွေ့ရတဲ့ဟာလည်းပါတယ်” ဟုပြောသည်။

ချင်းပြည်နယ်တွင် နအဖတပ်က တပ်ရင်း (၈) ခု တပ်စွဲထားပြီး တပ်ရင်း (၅) ရင်းခန့်က ပုံမှန် စစ်ကြောင်းလှည့်နေကြောင်း၊ နအဖစစ်အင်အားများ တိုးများလာခြင်းကြောင့် ချင်းအမျိုးသမီးများမှာ နအဖစစ်တပ်၏ မတရားပြုကျင့်မှုဒဏ်ကို ပိုမိုခံစားရဖွယ်ရှိကြောင်း အစီရင်ခံစာတွင် ဖော်ပြသည်။

နအဖစစ်တပ်၌ လက်နက်အင်အားများလာပါက ပြည်သူများအားသတ်ဖြတ်ခြင်း၊ အမျိုးသမီးနှင့် ကလေးငယ်များအား မတရားပြုကျင့်ခြင်းတို့ကို ပိုမိုကျူးလွန်မည်ဖြစ်၍ အိန္ဒိယအစိုးရအား နအဖဘက်မှ ရပ်တည်နေမှုကို ပြန်လည်သုံးသပ်စေလိုပြီး လက်နက်ပစ္စည်းများ ကူညီရောင်းချနေသည်ကို ရပ်ရန် WLC က တောင်းဆိုသည်။

မြန်မာစစ်အစိုးရနှင့် စီးပွားရေးအရ ပတ်သက်မှုမပြုရန်လည်း WLC က တောင်းဆိုထားပြီး “အပြစ်ကင်း သည့် ပြည်သူများကိုသတ်ဖြတ်နေပြီး တိုင်းရင်းသူအမျိုးသမီးများကို မတရားပြုကျင့်နေသည့် နအဖစစ်တပ်နှင့် မိတ်ဆွေဖြစ်ချင်သလော” ဟု အိန္ဒိအစိုးရကို အစီရင်ခံစာ၌ မေးခွန်းထုတ်ထားသည်။

ချင်းလန်းအမျိုးသမီးများအဖွဲ့ချုပ် (WLC) ကို အဝေးရောက်ချင်းအမျိုးသမီးအဖွဲ့ (၉) ဖွဲ့ဖြင့် ၂၀၀၄ ခုတွင် စတင်ဖွဲ့စည်းသည်။

ထိုင်း-မြန်မာနယ်စပ်ဂိတ်(၂) ခုကို မြန်မာဘက်မှပိတ်ပစ်-ပီတာအောင် / ၂၈ မတ် ၂၀၀၇

28-3-07_thai_burma.gifနှစ်နိုင်ငံနယ်စပ်ကုန်သွယ်ရေး အချက်အချာကျသည့် ထိုင်း-မြန်မာနယ်စပ်ဂိတ် (၂) ခုကို အကြောင်းပြချက် မရှိဘဲ မြန်မာဘက်က ရုတ်တရက်ပိတ်ပစ်လိုက်သည်။

မြ၀တီ-မဲဆောက် ချစ်ကြည်ရေးတံတား နယ်စပ်ဂိတ်ကို ယမန်နေ့ညနေပိုင်းတွင်လည်းကောင်း ဘုရားသုံးဆူ နယ်စပ်ဂိတ်ကို ယနေ့နံနက်တွင်လည်းကောင်း မြန်မာအာဏာပိုင်များက ပိတ်ပစ်လိုက်သည်။

ပိတ်ရသည့် အကြောင်းရင်းနှင့် ကြာမြင့်မည့်အချိန်ကို မသိရဘဲ အထက်အမိန့်အရ ပိတ်လိုက်သည် ဟုသာ မြန်မာဘက်က ထိုင်းဘက်ကို အကြောင်းကြားခဲ့သည်ဟု မဲဆောက်မြို့မှ ထိုင်းအာဏာပိုင်များနှင့် နီးစပ်သူတဦးက ပြောသည်။

၎င်းက “ထိုင်းဘက်က မပိတ်ဘူး၊ ဗမာဘက်ကပဲပိတ်တယ်။ တာ့ခ်ခရိုင်ဝန်က ပြောတာက
ဒီတံတားကို အမြန်ဖွင့်နိုင်အောင် နိုင်ငံတော်အဆင့်အနေနဲ့ ကြိုးစားသွားမယ်။ နယ်ခြားကော်မတီနဲ့ လည်း ဆွေးနွေးနေတယ်” ဟုပြောသည်။

မြ၀တီ-မဲဆောက် တံတားပိတ်ထားသဖြင့် ပုံမှန်ကုန်စည်စီးဆင်းမှုရပ်သွားပြီး ကုန်တင်ကားများ ထိုင်းဘက်တွင် ရပ်နားထားရသည်။ တံတားပေါ်မှ လူဖြတ်သန်းသွားလာခွင့်မရတော့၍ မြန်မာ နိုင်ငံသားများသည် တရားမ၀င် ဂိတ်များမှဖြတ်၍ ကူးသန်းသွားလာနေကြသည်။

ဘုရားသုံးဆူနယ်စပ်ဂိတ်ကို ပိတ်လိုက်သဖြင့် ဘုရားသုံးဆူဒေသတွင် ထိုင်းဘက်မှတင်သွင်းရသည့် ဓာတ်ဆီတလီတာလျှင် (၂၄-၂၅) ဘတ်မှ ဘတ် (၃၀) ကျော်အထိတက်သွားပြီး အသားငါးနှင့် ဟင်းသီးဟင်းရွက်ဈေးနှုန်းများ အနည်းငယ်တက်သွားကြောင်း လွတ်လပ်သောမွန်သတင်းအေဂျင်စီ သတင်းထောက် မိကျဲဂိုက ပြောသည်။

ထိုင်းရဲတပ်ဖွဲ့ဝင် (၂) ဦးကို တိုးတက်သောဗုဒ္ဓဘာသာကရင်အမျိုးသားအစည်းအရုံး (DKBA) က ဖမ်းဆီးခေါ်ဆောင်သွားပြီးနောက် ဘုရားသုံးဆူနယ်စပ်ဂိတ်ကို ထိုင်းအာဏာပိုင်များက ပိတ်ပစ်ခဲ့ပြီး ယမန်နေ့ကမှ ပြန်ဖွင့်ထားခြင်းဖြစ်သည်။

နှစ်နိုင်ငံနယ်စပ်ဂိတ်များမှတဆင့် ထိုင်းဘက်မှ မြန်မာဘက်သို့ လစဉ်ဘတ်သန်းထောင်ချီတန်ဖိုးရှိသော စားသောက်ကုန်နှင့် လူသုံးကုန်ပစ္စည်းများ တင်ပို့နေရသည့်အတွက် ဂိတ်များပိတ်ထားသည်ကို ထိုင်းကုန်သည်များက မလိုလားပေ။

ဘုရားသုံးဆူနယ်စပ်နှင့် မြ၀တီ-မဲဆောက်နယ်စပ်ဂိတ်တို့ကို ပိတ်လိုက်သော်လည်း အခြားနယ်စပ်ဂိတ် တခုဖြစ်သည့် တာချီလိတ်-မယ်ဆိုင်ဂိတ်ကို ဆက်လက်ဖွင့်ထားဆဲဖြစ်သည်။

Follow

Get every new post delivered to your Inbox.