ဒီမိုကရေစီနဲ့ အာဏာရှင်ဟာ လက်ဖ၀ါးနဲ့လက်ဖမိုး မဟုတ်ပါ-ခွန်ဆိုင်း (၁၃-၁၁-၀၇)

“တွံတေးသိန်းတန်ကြောင့် မဆလ က ဗမာပြည်ကို (၂၆) နှစ် အုပ်ချုပ်သွားနိုင်တာဗျ။”
“ဗုဒ္ဓေါ… ခင်ဗျားကောက်ချက်က အဆန်းပါလား။ ဒီလိုလည်း ညစ်တွန်း…တွန်းတတ်သကိုး”

ကျနော့်အခန်းဖော်နှစ်ယောက် အချိန်ကုန်ဆုံးပုံနည်းလမ်းတချို့ထဲက အချီအချ စကားပြောခန်း
တချို့ကို ပြန်သတိရပြီး ခုအချိန်ထိပြုံးမိနေတုန်းပါပဲ။ အနှစ် (၂၀) နဲ့ညီတဲ့ တသက်တကျွန်း
ပြစ်ဒဏ်တွေကို သူတို့ ဖြတ်သန်းရချိန်မှာ စံလွဲမသွားအောင် ရွေ့မသွားအောင် ကြုံရတာတွေကို
ဟာသလုပ်တန်တာလုပ်၊ သရော်တန် သရော်နဲ့ ဖြတ်သန်းသွားတာ ပိုကောင်းမှန်း ရှာဖွေတွေ့ရှိ
ခဲ့ကြပုံပါ။

“ထွေးညို၊ ပြေးကြိုတော့ထွေးညို၊ မြသီတာအကြိုထောက်ပေမယ့်၊ ချစ်ရက်ရှည်ရှည် အင်းယား
မြေ” စတဲ့ သီချင်းတွေ အလွတ်ကျက်၊ ရအောင်လိုက်ဆိုရင်း အရွယ်ရောက်လာရတဲ့ ကျနော်
ကတော့ တွံတေးသိန်းတန်ကို ကြိုက်တာအမှန်။ တွံတေးသိန်းတန်ရဲ့ အမာခံ ပရိသတ်ဖြစ်ခဲ့ တာအမှန်။ “ထွေးညိုတယောက်တော့ မြေရှင်ယာရှင် စနစ်ဆိုးတွေရဲ့လက်မှာ ဘ၀ကို လက်မြှောက်အရှုံးပေးသွားပြီကွဲ့” ဆိုတဲ့ ဓာတ်ပြားထဲက ဘကြီးမှုန် စကားပြောခန်းကို ခုထိအမှတ်ရနေတုန်း။

“အဝေးစစ်မြေစခန်းက အောင်ပွဲနဲ့ မြန်းလာခဲ့ရင် သပြေပန်းနဲ့လက်လှမ်းကြိုမယ်ထင်တယ်ကွယ်”
အဲဒီမှာ လယ်သမားတွေမျက်စိလည်တော့တာပဲဗျ။ ဆင်းရဲတွင်းကိုနက်စေတဲ့ နိုင်ငံ့ဘဏ္ဍာတွေ
ကိုပြုန်းတီးစေတဲ့ ပြည်တွင်းစစ်ကြီးကိုမေ့သွားကြတယ်။ သူတို့သိပ်ကြိုက်၊ သိပ်လက်ခံထားတဲ့ ကျေးလက်အဆိုတော်က စစ်တပ် ကိုယ်စားပြုမင်းသား ဇာတ်ကောင်ဖြစ်နေတာကိုး။ အဲဒီမှာ စစ်တပ်ကအလိုလို ကယ်တင်ရှင်ဖြစ်သွားပြီး မြေရှင်တွေကမှ လယ်သမားတွေရဲ့ တကယ့်
ရန်သူဖြစ်လာတယ်။

“တက်လာတဲ့အာဏာရှင်အစိုးရက ဆိုရှယ်လစ်မျက်နှာဖုံးစွပ်လာပြီး လယ်သမားတွေကို
လှည့်လိုက်တယ်လေ။ လယ်သမားတွေကိုဒုက္ခပေးခဲ့တဲ့ လက်သည်တရားခံအစစ်က မြေရှင်ယာရှင်စနစ်ဆိုးကြီးကြောင့်တဲ့ ဒီလို လက်ညှိုးထိုးတယ်။ ဒါကို လိုက်ထောက်ခံပေးတဲ့ တွံတေးသိန်းတန်သီချင်းတွေက ရွာတိုင်းကို ပျံ့နှံ့ထိုးဖောက် ကျေးလက်အသည်းစွဲဖြစ်ခဲ့တော့ မဆလကမှ တကယ့်ကယ်တင်ရှင်။ ထွက်မြောက်ရာလမ်းကို ပို့တော့မှာ။ မဆလ စနစ်ကြောင့်ပဲ လယ်သမားတွေဘ၀က ချက်ချင်းချမ်းသာလာကြတော့မှာလိုလို ယုံသွားခဲ့ကြတာ။ တိုင်းပြည်မှာ လယ်သမားက (၈၀) ရာခိုင်နှုန်းလေ။ သူတို့ကိုအယုံသွင်းနိုင်ရင် အစိုးရဘာလုပ်လုပ်ရပြီ
သိတာပေါ့။”

“အို…ဒါက ရေးသူမှာတာဝန်ရှိတယ်ဗျ။ မဟုတ်ဘူးဟ။ ဆိုသူမှာတာဝန်ရှိတယ်ဟ။ အို နှစ်ဘက်လုံး
တာဝန်ယူရမှာဗျို့။ ဟာ … တယောက်နဲ့တယောက် ပေတံမှမတူကြတာဗျာ။ ဒီမှာဗျ ဗိုက်ပြဿနာ
ဆိုတာလည်း ရှိသေးတယ်။ ကျုပ်တို့ကတော့ လူတိုင်းကို နိုင်ငံရေးအမြင်နဲ့ မချဉ်းကပ်သင့်ဘူး
ထင်တယ်။ ကျနော်ကတော့အနုပညာသည် အနုပညာအတွက်ပဲ ဖြစ်ရမယ်ဆိုတာကို ကြိုက်တယ်
ဗျာ” တယောက်တပေါက် အချိန်တွေကုန်သွားတဲ့အထိ ငြင်းခဲ့ကြတာပေါ့။ အချိန်တွေကလည်း
ပိုမှပို လွတ်လပ်စွာလည်း ကွဲလွဲနိုင်ကြတာကိုး။

“ဆိုရှယ်လစ်စီးပွားရေး တည်ဆောက်တဲ့နေရာမှာ လယ်သမား၊ အလုပ်သမားတွေဆိုတာက
အဓိကမောင်းနှင်အား” အစိုးရကမြှောက်ပေးတယ်။ ဒီလိုပုံနဲ့မိုးကြီးချုပ်ခဲ့ရတဲ့ မဆလခေတ်ထဲမှာ
တိုင်းပြုပြည်ပြုသီချင်းမျိုးတွေ၊ ပေါ်လစီ တေးဆိုတာမျိုးတွေ စပေါ်လာပြီး တေးရေးသူတွေက
မယုံကြည်လည်း လယ်သမားအလုပ်သမားဆိုတဲ့ စကားလုံးတွေ အတုံးလိုက်အတစ်လိုက်
ထည့်ပေးရတယ်။။ အဲဒီအချိန်မှာ လူငယ်တွေဝက်ဝက်ကွဲ အားပေးတဲ့ခိုင်ထူးရဲ့ စစ်ဆန့်ကျင်ရေး
သီချင်း “စစ်နဲ့ငြိမ်းချမ်းရေး” ကိုတော့ ဆိုခွင့်မပြုခဲ့တဲ့အစိုးရမျိုးပါ။

“မောင်အလုပ်သမားဆိုရင်- ပျိုကပင်စတင်- ချစ်– ချစ်ပါရစေရှင်” ဆိုတဲ့ ပေါချာချာ ဒဿန
မျိုးကို အလုပ်သမားဂုဏ်ပြုတေးထဲမှာ ထည့်ထားတယ်။ အဆိုတော်မာမာအေးရဲ့ အလွန် ချိုမြတဲ့အသံက ဖမ်းစားလိုက်တော့ နားထောင်လို့ကောင်းပြီး မြှောက်မှန်း ညာဝါးမှန်း သိပ်မသိလိုက်ဘူး။ “အမှတ်တစ်ကတော့ ဆိုရှယ်လစ်လူ့ဘောင်သစ်တည်ဆောက်ရေး လုပ်အားပေးရမည်။ အမှတ်နှစ်ကတော့ ကျမနဲ့ရာသက်လုံး-ပြုံးကာပြုံးကာ–ချစ်ကြပါစို့အတည်” ဆိုတာကို ဒီအချိန်မှာ မြန်မာပြည်ပြန်လို့ မရတော့တဲ့ ဒေါ်မာမာအေးတယောက် ပြန်နားထောင် မိရင်ဘယ်လိုခံစားမိမလဲ။ ရီချလိုက်မလား။ တော်ပါတော့လို့ပြောမလားသိချင်သေးတယ်။

စာပေဂီတအနုပညာဆိုတာ လူတွေကိုအလွယ်တကူဖမ်းစားနိုင်မှန်းသိထားတဲ့ အာဏာရှင်
တွေကတော့ သူတို့တခုခု လုပ်ချင်လာရင် ဘယ်သူ့ကိုမဆိုအသုံးချဖို့ ဘယ်ခေတ်မှာမှ
ဝန်မလေးခဲ့ပါဘူး။ (၈၈) အပြီး မြန်မာ့အသံက ပြုတ်လာတဲ့ မိတ်ဆွေတွေ ကြုံခဲ့ရတာကတော့ မဆလပြုတ်ခါနည်း ကမ္ဘာ့ဖွံ့ဖြိုးမှု အနည်းဆုံးနိုင်ငံအဖြစ်ခံယူဖို့ လိုလာတဲ့အချိန်မျိုးမှာ မြန်မာ့
အသံက (၁၅) နှစ်လောက် စုလာတဲ့ ရှိသမျှ စာမတတ်သူပပျောက်ရေး အသုံးလုံးလှုပ်ရှားမှု
လှုံ့ဆော်တဲ့ သီချင်းတွေ၊ ဇာတ်လမ်းတွေ အကုန်လုံးကို ဖျက်ဆီးလိုက်တော့ဟေ့။ မလွှင့်ရ တော့ဘူးလို့ညွှန်ကြားခဲ့တယ်တဲ့။

နိုင်ငံမှာစာတတ်တဲ့နှုန်းအလွန်နဲမှ ကမ္ဘာကသတ်မှတ်ချက်နဲ့ကိုက်မှာဆိုတော့ အရင်ကြေညာ
ထားတဲ့ နိုင်ငံသားတွေရဲ့ စာတတ်နှုန်းကို ချက်ချင်းလျော့ပစ်ကြရတာပေါ့။ ဒီလိုလည်း ကြံရည်
ဖန်ရည် ကောင်းကြပါတယ်။ တခါ (၈၈) လည်းဖြစ်ပြီးရော-မဆလတခေတ်လုံးက အစီအစဉ်
တွေ၊ သီချင်းတွေ၊ ဇာတ်လမ်းတွေက တခုမှသုံးမရဖြစ်ကုန်လို့ အကုန်ဖျက်ဆီးပစ်ရပြန်တယ်တဲ့။ မြို့တော်ခန်းမ အမျိုးသားစာကြည့်တိုက်ကစာအုပ်တွေလည်း အတော်များများ လာသိမ်းတာ ဖျောက်ဖျက်တာ အတော်ခံလိုက်ရတယ်လို့ စာကြည့်တိုက် ၀န်ထမ်းတွေပြန်ပြောကြတယ်။

သမိုင်းကိုဒီလိုဖျောက်လိုက်ရင် ပျောက်သွားရောလား။ (၇၄) ဖွဲ့စည်းပုံအတည်ဖြစ်ချင်တဲ့
အခါမှာတော့ အိုးစည်သံပေါက်အောင် ဆန်းသစ်ထားတဲ့ ဂီတာသံနဲ့ ဆန္ဒမဲလာပေးကြဖို့
“မဲရုံမဲရုံကိုသာ … တပြည်လုံးမဲဆန္ဒနဲ့ … တပြည်လုံးမဲဆန္ဒနဲ့” ဆိုတဲ့သီချင်းမျိုးကို တနိုင်ငံလုံးပေါက်အောင် နိုင်ငံတော်စရိတ်နဲ့ နေ့ရောညပါလွှင့်ပေးလိုက်တော့ အတော့်ကို နာမည်ကြီးသွားတာလား။ သီချင်းဆိုတဲ့သူကော ရေးတဲ့သူပါ အားရပါးရအင်တာတွေဗျူးခဲ့ရ၊ နာမည်တွေကျော်ခဲ့ကြရတဲ့ သီချင်းပေါ့။ ခုတော့မြန်မာ့အသံက ထပ်လွှင့်ခွင့်မပြုတော့တဲ့ ပယ်ဖျက်စာရင်းထဲပါသွားရှာပါပြီ။ ပြန်အသုံးချလို့လည်း မရတော့ပါဘူး။

ရာဇ၀င်ဟောင်းရဲ့မြောင်းပုတ်ထဲမှာ ရောနှောမျောပါသွားခဲ့ရပါပြီ။ သေချာတာကတော့
အနုပညာမဟုတ်တဲ့ ပစ္စည်းတွေဟာမခံဘူး။ လူ့အသုံးအဆောင်တွေလိုပဲ။ အသုံးလိုတဲ့
သူက သုံးပြီးရင် ဟောင်းနွမ်းသွားသလိုမျိုး ဟောင်းနွမ်းသွားလေ့ရှိတယ်။ လူဆိုတာ
နိုင်ငံရေးသတ္တ၀ါလို့ ဘယ်သူပြောခဲ့တာလည်းမမှတ်မိတော့ပါ။ တခါတလေတော့လည်း
နိုင်ငံရေးရဲ့ သားကောင်ဖြစ်သွားတတ်တာ တွေ့ရတယ်။ မဆလခေတ်မှာ “တောင်ပေါ်
မြေရဲ့ အခြားတဘက်တမျက်နှာ” ကို နားထောင်လိုက်ရတော့ ရေးဖွဲ့ခဲ့တဲ့ ဆရာစိုင်းခမ်း
လိတ်ကို လေးစားခဲ့၊ အားကျခဲ့တယ်။ မျိုးချစ်စာဆိုရဲ့ မျိုးရိုးမျိုးဆက်ကို ထိန်းသိမ်းနိုင်သူ
ပဲလို့ နားလည်ရတယ်။ ခေတ်တွေပြောင်းသွားပေမယ့် ခုချိန်ထိ ဆိုလို့ ခံစားလို့ ရနေတုန်း။
အသက်ဝင်နေတုန်း။ အဓိပ္ပာယ်ရှိနေတုန်း။ ဒီသီချင်းက ဘုန်းတော်ဘွဲ့မဟုတ်။ အာဏာရှင်
အမျှော်စိုက် မဟုတ်။ ခေတ်နဲ့အဖြစ်ကို မေ့လျော့ရေးဖွဲ့ထားခဲ့တာမျိုးမဟုတ်ခဲ့ဘူးလေ။ မြင်တာကိုမြင်သလိုရေးဖွဲ့ခဲ့တာမျိုး။

ဒီတော့ သူ့မှာစေတနာပါလာတယ်။ ၀ိညာဉ်ဏ်လိပ်ပြာပါလာတယ်။ ခုခေတ်မှာ နေ့စဉ်လွှင့်
ပေးနေတဲ့ သီချင်းတွေ နေ့စဉ်ရွတ်ပြနေတာတွေကို ကြားနေကြမှာပါ။ ဥပမာ တမံတခု
ဆောက်ပြီးတိုင်း သီချင်းတပုဒ်ဖြစ်လာ၊ ဒါပေမယ့် ရေးသူလည်း မဆို၊ ဆိုသူလည်း မရ။ ဘယ်သူမှလည်းလိုက်မဆို။ အနုပညာမဆန်တဲ့ စာတမ်းတွေ ပြွတ်သိပ်အစာသွတ်ထားတဲ့ သီချင်းမျိုးတွေပေါ့။ ဆရာခမ်းလိတ် ခုချိန်မှာ ဘာတွေဆက်ရေးနေမလဲ။ ဘာမှ မရေးချင်
တော့လို့ ဒီအတိုင်းနေချင်လည်း နေလိုက်လိမ့်မယ်။ ဒါကယုံကြည်မှု ရပ်တည်မှုနဲ့ဆိုင်တယ်။ တချို့လူတွေမှာ ဒါဟာသေရေးရှင်ရေးဖြစ်တယ်။ “တောင်ပေါ်မြေရဲ့အခြားတဘက်တမျက်နှာ
မှာ- ချယ်ရီတွေလည်းယမ်းနံ့စွဲနေ” ဆိုတဲ့ သီချင်းကို ရေးခဲ့တဲ့သူက ခုချိန်မှာ “ဒို့အသွေးလည်း
မဟုတ် ဒို့အသားလည်းမဟုတ်တယ်” ဆိုတဲ့ သီချင်းစာသားမျိုးကို ရေးနိုင်ဖို့ဖြစ်နိုင်မှာမဟုတ်ဘူး။

တချို့ကတော့သားကောင်ဘ၀ရောက်သွားရပြီး သူ့ကိုသနားရမှာလား။ ဒေါသဖြစ်ရမှာလား
မသိတော့ဘဲ လိပ်ပြာတွေ သေဆုံးနေကြတာတွေ့ရတယ်။ ကိုယ့်ဖန်တီးမှုကိုထုတ်ကုန်တခုလို
ထုတ်လုပ်လိုက်မိရင်တော့ အသုံးတည့်သူကသုံးပြီးသွားတာနဲ့ ပြီးသွားတာပဲ။ ဖန်တီးသူရင်ထဲ
က စေတနာ ဒါမှမဟုတ် ဇောဝိညာဉ်လိပ်ပြာက ပူးကပ်ဖန်တီးတာမျိုး မဟုတ်ရင် ခံစားလက်ခံ
သူတွေကလည်း သိတယ်။ လွန်ခဲ့တဲ့ နှစ် (၅၀) လောက်က ရေးဖွဲ့ခဲ့တဲ့ Bob Dylan ရဲ့ Blowing
in the wind သီချင်းစာသားတပိုဒ်ကို ကြည့်စမ်းပါ…

How many years can people exist,
before they allow to be free …
How many times can a man turn his head,
Pretending he just doesn’t see …

လွတ်လပ်ခွင့်မရဘဲ နှစ်တွေဘယ်လောက်များကြာအောင်
တချို့တွေ ဆက်အသက်ရှင်လျက်-နေနိုင်ကြဦးမှာလဲ။
ဘယ်နှစ်ကြိမ်လောက်များ
ယောက်ျားကောင်းတယောက်ဟာ
ဘာမှမမြင်ချင်ဟန်ဆောင်ပြီး
သူ့ခေါင်းကို တဘက်လှည့်ထားနိုင်မှာလဲ။

ကြည့်စမ်း။ နှစ်တွေက ရာစုတ၀က်ကျော်သွားတာတောင် သူ့စေတနာက မလွတ်မြောက်နိုင်ရှာ
သေးတဲ့ တကမ္ဘာလုံးက လူတွေကို ခြုံလွှမ်းနိုင်ရှာတုန်း။ နောက်နာမည်ကျော် ဆွီဒင်ဂီတအဖွဲ့ တဖွဲ့ဖြစ်တဲ့ ABBA ရဲ့ သရော်စာသားတပုဒ်ကို ကြည့်ပါဦး။

Soldiers write the songs that soldiers that songs that you and I don’t sing (ABBA)

ဒီမိုကရေစီစနစ်နဲ့ အာဏာရှင်စနစ်ဟာ လက်ဖ၀ါးလက်ဖမိုးကိစ္စမဟုတ်ဘူး။ အရပ်ပြော
အလွယ်ပြော၊ ပြောလိုက်လို့မရပါဘူး။ အကြောင်းကိစ္စတခုတည်းကို ရှုထောင့်နှစ်ခုကနေ
ကြည့် နှစ်မျိုးမြင်နေတာမျိုး မဟုတ်ဘူး။ လုံးဝလုံးဝ ကွာပါတယ်။ လူများစုကိုယ်စားပြုကိစ္စနဲ့ လူတစုတဖွဲ့ကောင်းဖို့ကိစ္စဟာ လုံးဝခြားနားပါတယ်။ ဒါကို ၀ါးတားတား လုပ်သူတွေဟာ
ကိုယ့်တာဝန်ကိုယ်ယူရမှာပဲ။ ဒီမိုကရေစီကို တကယ်ယုံကြည်မြတ်နိုးသူဟာ အာဏာရှင်
ဖွဲ့စည်းပုံကို ခွဲခြားနားလည်စွမ်းရပါမယ်။ ညောင်နှစ်ပင်ညီလာခံကို အပြီးသတ်ခါနီးမှာ
တချို့လည်း အတိတ်သမိုင်းကို မေ့သွားပုံပဲ။ ခုတလော တီဗွီ ဖန်သားပြင်ကနေ အရေးပေါ် သီချင်းတပုဒ်ထုတ်လွှင့်ပေးနေတယ်။ နာမည်ရ အဆိုတော်နှစ်ယောက်က အေးတိအေးစက် ဆိုပေးထားတယ်။ ဒို့အားလုံးက လက်ဖ၀ါးနဲ့လက်ဖမိုးတွေပါ။ တနေရာစီက ကြည့်နေလို့ အမြင်မတူတာပါ။ ညောင်နှစ်ပင်ကို ထောက်ခံလိုက်ကြပါလိုအဓိပ္ပာယ်ရတယ်။

လွန်ခဲ့တဲ့ နှစ်ပေါင်း (၆၀) လောက်က တချို့ဂီတစာဆိုတွေ အစိုးရရဲ့ ပြည်တော်သာ
စီမံကိန်းကိုဖားပြီး သံစဉ်တွေထဲ မယုံကြည်တာတွေ အစာသွတ်နေချိန်မှာ ဆရာမြို့မငြိမ်းက သူ့စေတနာအတိုင်း နိုင်ငံတော်ရဲ့နှပ်ကြောင်း တခုမှမပါတဲ့ “လူချွန်လူကောင်း” ဆိုတဲ့ တေး
တပုဒ် ရေးခဲ့ပါတယ်။

“ဆရာရေ့… ဆရာ့သီချင်းကို ကျနော်တို့ ဒီနေ့အထိ ဆိုနေတုန်းပဲ ဆရာ။ သိပ်စိတ်ပျက်စရာ
ကောင်းတဲ့ အမှောင်နေ့တွေမှာ ဆရာ့သီချင်းကိုဆိုလိုက်ရရင် ကြားလိုက်ရရင် အားတွေတက်
လာတယ်။ စေတနာတွေ ဖြစ်လာတယ်ဆရာ”

အကြောက်တရားကင်း၊ ညီညွတ်ခြင်းတိုင်းပြည် ဖြစ်တည်ပါစေသတည်း။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: