သမိုင်းကို ပြန်ကြည့်ပါ … တူရှုချက်အား တွေ့ရမည်-မင်းဆွေသစ် (၁၉-၁၀-၀၇)

(က)

သမိုင်းဆိုသော်လည်း ဟိုးရှေးရှေးတုန်းကနှင့် စမည်မဟုတ်။ လွန်ခဲ့သည့် နှစ် (၂၀) ကနှင့်စမည် ဖြစ်သည်။ ၁၉၈၀ ပြည့်နှစ် ၀န်းကျင်ကာလများက ဆိုရှယ်လစ်ဘောဂဗေဒအတွက် စိန်ခေါ်မှု အဟောင်းအသစ်မှန်သမျှအား အန်တုနိုင်စွမ်းကင်းမဲ့ ကုန်ဆုံးခဲ့ရသည့် နှစ်များဟု ဆိုရမည်ပင်။ ဈေးကွက်၏ တောင်းဆိုမှုအား မက်(ခ်)ဘောဂဗေဒသည် အလျဉ်မီအောင် လိုက်၍မဖြေရှင်းနိုင်
တော့။ ကုန်ထုတ်စွမ်းအားစုအတွင်း၌ အာဏာရလာသည့် “လူတန်းစားသစ်” သည် ကုန်လုပ်ဆက် ဆံရေးတွင် အဟန့်အတားအဖြစ် ဖြစ်လာစေခဲ့၏။ ထိုထိုသော ပြဿနာဖြင့် ဗဟိုစီမံကိန်းစီးပွားရေး စနစ်သည် ချုပ်ငြိမ်းစေရန် ဖြစ်စေခဲ့ရ၏။

ဆိုရှယ်လစ်ဘောဂဗေဒ၏ နေ၀င်ချိန်။
ဆိုရှယ်လစ်နိုင်ငံများ၏အခြေခံအဆောက်အဦ ယိုင်နဲ့ပြိုလဲချိန်ဟု ဆိုရမည်ပင်။ အရှေ့ဥရောပ
နိုင်ငံများ ရင်ဆိုင်အခက်ကြုံနေရသကဲ့သို့ ဆိုဗီယက်ပြည်ထောင်စုနှင့် တရုတ်ပြည်သစ်တို့တွင်
လည်း ထိုစိန်ခေါ်မှုများက သေရေးရှင်ရေးပြဿနာများပင်။ မည်သူမှ မလွတ်။ ပြောင်းလဲနိုင်ရန် ကြိုးစားကြ၏။ ကျော်လွှားနိုင်ရန် လုံ့လပြုကြ၏။ အလှည့်အပြောင်းများပြုလုပ်ကြ၏။

“ဂေါ်ဗာချော့” ၏ “ဂလတ်စ်စနော့ ” ၊ “ ပယ်ရီစထရိုက်ကာ” နှင့် “တိန့်ရှောင်ဖိန်” ၏ “ကြောင်
သီအိုရီ” တို့ကား ဆိုရှယ်လစ်နိုင်ငံများ၏အခြေခံအဆောက်အအုံဆိုင်ရာ ကုထုံးသစ်များ။ “လူနှင့်ရုပ်ပတ်ဝန်းကျင်အညမည” သဘောတရားနှင့် မြန်မာ့ဆိုရှယ်လစ်လမ်းစဉ်ပါတီသည် လက်တွေ့တင်မူ ဦးနေ၀င်း၏အရေခြုံဆိုရှယ်လစ်ပါတီဟူ၍ပင် ဆိုရမည်ဖြစ်၏။ ဆိုရှယ်လစ် အရေခြုံသော မဆလအတွင်း၌ “လူတန်းစားသစ်” တို့ ရှင်သန်၏။ ကြီးပွား၏။ သဘောတရားက စာအုပ်အဖြစ် လက်ထဲတွင် ကိုင်ထားရန်ဖြစ်ပြီး။ အကျိုးစီးပွားကိုမူ “၀မ်း” ထဲ၌ ထည့်ထားကြ၏။ ဤအခြေအနေများဖြင့် မဆလသည် စိန်ခေါ်မှုဒဏ်အား အန်မတုနိုင်။ ပြို၏။

၁၉၈၇ ခုနှစ် စက်တင်ဘာလ (၅) ရက်နေ့တွင် မြန်မာ့ကျပ်ငွေအား တရားမ၀င်ငွေကြေးများအဖြစ် တတိယအကြိမ်မြောက် ကြေညာ၏။ ငွေကြေးစနစ်က ပြိုပြီ။ ငွေဖောင်းပွမှုက မြင့်တက်၍လာ၏။ ကုန်ဈေးနှုန်းများက ကြောက်စရာကောင်းလောက်အောင် ထိုးတက်၍နေသည်။ တဦးချင်းဝင်ငွေ
က စိုက်၍ကျဆင်းမြဲ။ ဘတ်ဂျက်လိုငွေပြမှုက ထိန်း၍မရ။ ဆိုရှယ်လစ်ဈေးကွက်တွင် မှောင်ခိုဈေး ကွက်က ကျယ်ပြန့်၍နေရာယူလာ၏။ နောက်ဆုံး ကမ္ဘာ့အဆင်းရဲဆုံးနိုင်ငံအဆင့် စာရင်းဝင်ခဲ့တော့
၏။

(ခ)

၁၉၈၈ “၈” လေးလုံးအရေးတော်ပုံပေါ်ပေါက်ခဲ့ရခြင်း၏ အရင်းခံအကြောင်းတရားက အုပ်ချုပ်ရေး
အရ တပါတီအုပ်ချုပ်ရေးစနစ်မရှင်သန်ခြင်းနှင့် နိုင်ငံရေးအရ မြန်မာ့ဆိုရှယ်လစ် လမ်းစဉ်ပါတီ (မဆလ) အား မယုံကြည်ခြင်းပင်ဖြစ်ပြီး လတ်တလောအကြောင်းတရားအဖြစ်က စီးပွားရေး ကျပ်တည်းမှု ပြဿနာဖြစ်သည်ဟု ဆိုရမည်။

ထိုစဉ်က ရင်ဆိုင်နေရသော မြန်မာ့စီးပွားရေးပြဿနာသည် မဆလအတွက် သင်္ချိုင်းမြေဖြစ်
စေပြီး တပါတီစနစ်အား နိဂုံးချုပ်စေမည်ဟူသည်ကား ဦးနေ၀င်းရိပ်မိ၏။ ဗစိန်-ထွန်းအုပ် သခင် ဂိုဏ်းခွဲတွင် ခရီးသွားဟန်လွှဲဖြတ်သန်းခဲ့ဖူးသော သခင်ရှုမောင်က “တွေး” နိုင်၏။ သို့ဖြင့် ၁၉၈၈
ခုနှစ် ဇူလိုင်လ (၂၃) ရက်နေ့ မဆလပါတီညီလာခံတွင် ဥက္ကဋ္ဌ ဦးနေ၀င်းမှ ပါတီနှင့် တိုင်းပြည်သို့ သူ၏ပြုပြင်ပြောင်းချင်သော တူရှုချက်အား ဖွင့်ချပြခဲ့၏။

“တပါတီစနစ်ကိုကြိုက်သလား”
“ပါတီစုံစနစ်ကိုကြိုက်သလား”
ဦးနေ၀င်း၏ “ပါတီစုံစနစ်” ပြုပြင်ပြောင်လဲရေးကား မဆလအား ဗဟိုပြုမှုဖြင့် ပြုပြင်ပြောင်း လဲခြင်းမျိုးဖြစ်၏။ တနည်းအားဖြင့် အာဏာရှင်တို့၏ အာဏာအ၀န်းအ၀ိုင်းမှ အာဏာစက်ဖြင့် ပြောင်းလဲခြင်းဖြစ်၏။ မဆလပါတီတရပ်အနေနှင့် ဆက်၍ရှိမည်။ ပါတီ၏ခေါင်းဆောင်မှုပိုင်း
တွင် အမြင်အရ အပြောင်းအလဲများပြုလုပ်မည်။ မျက်နှာဖုံးအပြောင်းအလဲ။ သို့နှင့် ဦးနေ၀င်း၊ ဦးစန်းယုတို့ ပါတီမှ နုတ်ထွက်အနားယူကြ၏။

၁၉၈၈၊ စက်တင်ဘာ (၁၁) ရက်နေ့တွင် ပြည်သူ့လွှတ်တော်အရေးပေါ်အစည်းအဝေးခေါ်ယူပြီး “ပါတီစုံစနစ်” အားကျင်းပရန် လွှတ်တော်က ဆုံးဖြတ်၏။ ပါတီစုံဒီမိုကရေစီရွေးကောက်ပွဲ ကျင်း
ပရေး ကော်မရှင်အား မဆလမှ ဖွဲ့စည်း၏။ ဦးဘဌေး၊ စောကြာဒိုး၊ ဦးစန်းမောင်၊ ဆရာချယ်၊ ဦးကျော်ညွန့်တို့ ပါဝင်၏။ ပါတီစုံဒီမိုကရေစီရွေးကောက်ပွဲကျင်းပမည့်နေ့ရက်အား ၁၉၈၈ ခုနှစ် ၊ ဒီဇင်ဘာလ (၁၁) ရက်နေ့အား သတ်မှတ်၏။ ၁၉၇၄ ဖွဲ့စည်းပုံအခြေခံဥပဒေအား ပြင်ဆင်ဖြည့်
စွက်ပြီး ပြုလုပ်မည့် ရွေးကောက်ပွဲဖြစ်၏။ ထိုကာလတလျှောက် မဆလ၏ပြည်သူ့လွှတ်တော်က ရှိနေမည်။ နိုင်ငံတော်အာဏာကောင်စီအရပ်ရပ်အား ဆုပ်ကိုင်ထားမည်။ ဤနည်းဖြင့် ဦးနေ၀င်း
က “တပါတီစနစ်”မှ “ ပါတီစုံစနစ်” သို့ ပြောင်းလဲလိုခြင်းဖြစ်သည်။ မဆလ၏ ပါတီစုံစနစ်သို့ ပြောင်းလဲလိုသော နည်းဗျူဟာဖြစ်၏။

တပ်မတော်ကာကွယ်ရေးဦးစီးချုပ် ဗိုလ်ချုပ်ကြီးစောမောင်မှ စက်တင်ဘာလ (၁၂) ရက်နေ့တွင် မဆလ၏ အပြောင်းအလဲအစီအစဉ်အား တပ်မတော်သားများအားလုံးမှ လိုက်နာကြရန် ရေဒီယို
မှ တဆင့်မိန့်ခွန်းပေး၏။ စက်တင်ဘာလ (၁၆) ရက်နေ့တွင် နိုင်ငံတော်ကောင်စီဥက္ကဋ္ဌက နိုင်ငံ
ဝန်ထမ်းအားလုံး မဆလပါတီဝင်အဖြစ်မှ ထုတ်ပယ်ကြောင်း ကြေညာ၏။ ပြီးလျှင် မည်သည့်
နိုင်ငံရေး ပါတီအဖွဲ့အစည်းများတွင်လည်း ပါဝင်ခွင့်မရှိကြောင်း ထုတ်ပြန်၏။

မဆလပါတီ၏ ပြုပြင်ပြောင်းလဲရေးလမ်းစဉ်အား လူထုက မယုံကြည့်။ လူထုလက်ခံယုံကြည်
သည်က တော်လှန်ရေး။ မဆလအား တစမကျန်အလုံးစုံဖျက်သိမ်းရေးနှင့် လူထုက တည်ဆောက် သည့် ပါတီစုံဒီမိုကရေစီစနစ်။ သို့နှင့် သိန်းသန်းချီသော လူထုဆန္ဒပြတိုက်ပွဲက ငြိမ်းချမ်းစွာနှင့် တောင်းဆိုတိုက်ပွဲဝင်လျက်ရှိ၏။
“ကြားဖြတ်အစိုးရ ဖွဲ့စည်းရေး …”

လူထု၏ကြားဖြတ်အစိုးရမှ ရွေးကောက်ပွဲများကျင်းပမည်။ ပါတီစုံဒီမိုကရေစီစနစ်အား တည်ဆောက်မည်။ အပြောင်းအလဲအား လူထုမှ ပြုလုပ်မည်။ မဆလ၏ဦးဆောင်မှုဖြင့် ပြုလုပ်မည့်အပြောင်းအလဲဟူသည်အား လူထုမှ လက်မခံ။ ပြတ်ပြတ်သားသား ငြင်းပယ်၏။ ဤသည်ပင် စစ်တပ်အာဏာသိမ်းရခြင်း၏ အဓိကအကြောင်းတရားဖြစ်သည်။ နိုင်ငံတော်ကောင်စီနေရာတွင် န.၀.တ ဖြစ်လာ၏။

(ဂ)

၁၉၈၈ခုနှစ် အာဏာသိမ်းပြီး နောက်တနေ့တွင် ပြုလုပ်သည့် န.၀.တ၏ အစည်းအဝေးက ပါတီစုံရွေးကောက်ပွဲကျင်းပရေး ကော်မရှင် အဖွဲ့နှင့်တွေ့ဆုံသည့် အစည်းဝေးဖြစ်သည်။
ကော်မရှင်အဖွဲ့ဝင်ဆရာချယ်သည်ပင် ရန်ကုန်မြို့လူထုဆန္ဒပြမှုများကြောင့် လမ်းပိတ်ဆို့နေ၍ အစည်းအဝေးသို့ မလာနိုင်။ ဤအခြေအနေ၌ န.၀.တ မှ ကော်မရှင်နှင့်တွေ့ဆုံသည့် အစည်း
အဝေးပြုလုပ်ခြင်းအား ကြည့်ခြင်းအားဖြင့် စစ်အုပ်စုသည် မဆလ၏ ပြုပြင်ပြောင်းလဲရေး နည်းဗျူဟာအတွင်း အခိုင်အခံ့ရပ်တည်နေသည်ကို တွေ့ရမည်။ န၀တ၏ တူရှုချက်က မဆလ၏ တူရှုချက်အတိုင်း မပြောင်းလဲ။

၁၉၉၀ခုနှစ် အထွေထွေရွေးကောက်ပွဲအား ကျင်းပ၏။ ရလဒ်က စစ်အုပ်စုအတွက် အခက်တွေ့
စေ၏။ ပြုပြင်ပြောင်းလဲရေးနည်းဗျူဟာဆိုင်ရာ အကျပ်တွေ့စေသည်။ ဤတွင် လွှတ်တော်ခေါ်
ယူပေး၍ မဖြစ်တော့။ နည်းဗျူဟာ အကျပ်အတည်းအား ကျော်လွှားရန် ဖွဲ့စည်းပုံအခြေခံဥပဒေ တရပ်ဆွဲရန် အမျိုးသားညီလာခံအား စစ်အုပ်စုမှ ခေါ်ယူရတော့သည်။

အမျိုးသားညီလာခံရလဒ်က “ပြုပြင်ပြောင်းလဲရေနည်းဗျူဟာ” အတွင် အရေးကြီးသော
အဆင့်ဖြစ်၏။ လွယ်လွယ်ကူကူနှင့် လျော့ပေး၍မရ။ ကျားကုတ်ကျားခဲ ကာကွယ်ကြမည်သာ။

ဤအတွက်ပင် ဗုဒ္ဓဘာသာဝင် စစ်ဗိုလ်ချုပ်ကြီးများက ရတနာသုံးပါးအား စစ်ဖိနပ်နှင့် နင်းခြေ နေခြင်းဖြစ်၏။ လှံစွပ်နှင့်ထိုး၏။ သေနတ်နှင့်ပစ်၏။ အကျဉ်းချ၏။ တိုက်ပိတ်၍နှိပ်စက်၏။

ဤအတွက်ပင် စက်တင်ဘာရွှေဝါရောင် တော်လှန်ရေးကြီးအတွင်းမှာပင် ကြံ့ဖွတ်ဆန္ဒဖော်ထုတ် ပွဲများအား လုပ်နေခြင်းဖြစ်၏။

အာဏာရှင်တို့က ဗဟုဝန်းကျင်ဖြင့် ဗဟုဝါဒသို့ ပြောင်းလဲမည်မဟုတ်။ ဗဟုဝန်းကျင်ဖန်တီး၍
ဗဟုဝါဒတည်ဆောက်ခြင်းအား လူထုမှ လူထုအားနှင့်သာ တည်ဆောက်ရမည်။

၁၉၈၈ ခုနှစ် ဇူလိုင်လ (၂၃) ရက်နေ့တွင် ကျင်းပသည့် မဆလအရေးပေါ်ပါတီညီလာခံမှ
“ပါတီစုံစနစ် ကျင့်သုံးမလား” ၊ “တပါတီစနစ် ကျင့်သုံးမလား” ဟူသည်ကား လူထုဆန္ဒ ခံယူပွဲပြုလုပ်မည်ဟု “ဈေးတင်” ၍ထား၏။ လူထုက လူထုတိုက်ပွဲနှင့် တပါတီစနစ်အား
ဖိတိုက်၏။ ဤတွင် မဆလပါတီ၏ ပြည်သူ့လွှတ်တော်က ၁၉၈၈ ခုနှစ် စက်တင်ဘာလ
(၁၁) ရက်နေ့၌ လူထုဆန္ဒခံယူပွဲပြုလုပ်မည်ဟူသော “ဈေး” အား လျော့ပစ်၍ “ ပါတီစုံစနစ်”
အား ကျင့်သုံးမည်ဟူသည့် ဆုံးဖြတ်ချက်အား ချလိုက်ရ၏။ သမိုင်းက မဝေးသေး။ လူထု
တိုက်ပွဲနှင့်သာ လူထု၏ဦးတည်ချက်အား ရယူနိုင်၏။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: