ရန်ကုန်တွင် ဂျီအက်စ်အမ်ဖုန်း ငှားရခက်ခဲလာ

NEJ / ၁၂ အောက်တိုဘာ ၂၀၀၇- ပြင်ပမီဒီယာများနှင့် ဆက်သွယ်သည်ဟု ယူဆရသည့် ဂျီအက်စ်အမ်ဖုန်း အများ
အပြားကို စစ်အစိုးရက ဆက်သွယ်မှု ဖြတ်တောက်ခဲ့ခြင်းကြောင့် ဖုန်းငှားရခက်ခဲလာကြောင်း ရန်ကုန်ဖုန်းပွဲစားများထံမှ သိရသည်။နအဖစစ်အစိုးရက ပြီးခဲ့သည့်လ သံဃာတော်များနှင့်လူထု ပူးပေါင်းမေတ္တာပို့ဆန္ဒထုတ်ဖော်ပွဲများ ဖြစ်ပေါ်ပြီး
နောက်ပိုင်းတွင် ပြည်ပမီဒီယာများကို ဆက်သွယ်သည့်တယ်လီဖုန်းအများအပြားကို ဆက်သွယ်မှု ဖြတ်တောက်ခဲ့သည်။

ဖုန်းပိုင်ရှင်တဦးက “ကျနော့်ဖုန်းကို ဘာလို့ဖြတ်ရတာလဲလို့ သက်ဆိုင်ရာကိုမေးကြည့်တော့ အထက်က ညွှန်ကြားလို့
ဖြတ်ရတာပါလို့သာဖြေတယ်။ ဒါကြောင့် ပြင်ပပေါက်ဈေး (၂၅) သိန်းကျော် (၂၆) သိန်းဝန်းကျင်ရှိတဲ့ ဂျီအက်စ်အမ်
ဖုန်းပိုင်ရှင်တွေ ဆုံးရှုံးမှုဖြစ်ရတယ်။ လိုင်းဖုန်းပိုင်ရှင်တွေလည်း အလားတူပဲ ဆုံးရှုံးကြရတယ်” ဟု ပြောသည်။

မြန်မာနိုင်ငံတွင် စစ်အစိုးရထုတ်ပေးသည့် ဂျီအက်စ်အမ်ဖုန်းဈေးမှာ (၁၅) သိန်းရှိပြီး ပြင်ပပေါက်ဈေးမှာ (၂၆) သိန်း
နီးပါးရှိနေသဖြင့် ပြည်သူအများစုက ကိုယ်ပိုင်ဖုန်းကိုင်နိုင်ခြင်းမရှိဘဲ ငှားရမ်းကိုင်ဆောင်နေကြခြင်းဖြစ်သည်။

ထို့ကြောင့် ဂျီအက်စ်အမ်ဖုန်းငှားစားသည့် လုပ်ငန်းမှာ အကြီးအကျယ်ဖြစ်ထွန်းနေပြီး ဂျီအက်စ်အမ် ဖုန်းတလုံးကို ပြန်
ငှားပါက ပိုင်ရှင်အနေဖြင့် တလလျှင် ကျပ် (၂) သိန်းခန့် ၀င်ငွေရရှိကြောင်း သိရသည်။

ဈေးကွက်သဘောအရ ဂျီအက်စ်အမ်ဖုန်းများကို ၀ယ်ခြင်း၊ ရောင်းခြင်း၊ ငှားခြင်း ပြုလုပ်နေကြ သော်လည်း စစ်အစိုးရ
၏ ဆက်သွယ်ရေးဥပဒေအရ ယင်းသို့လုပ်ဆောင်ခွင့် လုံးဝမရှိပေ။

ထို့ကြောင့် ယခုကဲ့သို့ စစ်အစိုးရက ဂျီအက်စ်အမ်ဖုန်းအများအပြားကို ဆက်သွယ်ခွင့်ပိတ်လိုက် သောကြောင့် ဖုန်းပိုင်
ရှင်နှင့် ငှားရမ်းသူတို့အကြား တရားဝင်ဖြေရှင်း၍မရတော့ဘဲ ဖုန်းပိုင်ရှင်များမှာ စိုးရိမ်ပူပန်နေကြရသည်။

ယခုနောက်ပိုင်း ဂျီအက်စ်အမ် တယ်လီဖုန်း ငှားရမ်းရာတွင် ပိုင်ရှင်ဘက်က ငှားရမ်းသူကို အာမခံတယောက်ထားရန်နှင့်
တယ်လီဖုန်း ပိတ်ပစ်သည်အထိ အရေးယူခံရပါက အဆိုပါအာမခံသူက တယ်လီဖုန်းဖိုးကျသင့်ငွေ ကျပ် (၂၅) သိန်း
ကျော်ကို ပေးလျော်ပါမည်ဆိုသည့်ကတိကို တောင်းခံလာကြောင်း ရန်ကုန်မှ ဖုန်းပွဲစားတဦးက ပြောသည်။

%d bloggers like this: