“စစ်အုပ်စုအား စွဲချက်တင်ခြင်း” (၅) -လင်းဆွေ (၂၉-၉-၀၇)

စိန်စီသောည၊ Expire ဘ၀များနှင့် မြန်မာ့စီးပွားရေး (၁၉)နှစ်စစ်တမ်း

(၁)

စစ်အုပ်စုဟာ အာဏာသိမ်းပြီးတဲ့နောက် စီးပွားရေးစနစ်ကို ဈေးကွက်စီးပွားရေးစနစ်ကျင့်သုံးမယ် ဆိုပြီး တံခါးဖွင့်ပါတယ်။ ဒီလိုစီးပွားရေးလမ်းစဉ်တခုကို ပြောင်းလဲချမှတ်တဲ့နေရာမှာလည်း စနစ်
တကျ ပညာရှင်များနဲ့ ဆွေးနွေးညှိုနှိုင်းပြင်ဆင်းပြီး ချမှတ်ခဲ့ကြတာမဟုတ်ပါဘူး။

မြန်မာ့ဆိုရှယ်လစ်လမ်းစဉ်ပါတီက ကျင့်သုံးခဲ့တဲ့ စီမံကိန်းစီးပွားရေးစနစ်ဟာ မအောင်မြင်ဘူး။ တိုင်းပြည်ဆင်းရဲ မွဲတေပြီး ချွတ်ခြုံကျရတယ်။ ဒီတော့ စီမံကိန်းစီးပွားရေးစနစ်က ပြောင်း။ ဒီဟာ မကောင်းရင် ဟိုဟာပြောင်း ဆိုသလို စစ်အုပ်စုက ဈေးကွက်စီးပွားရေးဆိုပြီး ပြောင်းလဲကျင့်သုံးခဲ့ တာပါ။ အဲ့တော့ စစ်အုပ်စုရဲ့ ဈေးကွက်စီးပွား ရေး ကနဦးကာလ အရင်းအနှီး စုဆောင်းမှုက ဘယ်လို ပါလဲ။
ကနဦး လုပ်ငန်းရှင်ကြီးတွေကတော့ …။

မ.ဆ.လ လူထွက်လုပ်ငန်းရှင်တွေ စစ်အုပ်စုရဲ့ ဆွေတော် မျိုးတော်တွေ။ ကိုးကန့်အနွယ်ဝင်လုပ်ငန်း ရှင်တွေနဲ့ မြန်မာပြည်ဖွား တရုတ်လူမျိုးလုပ်ငန်းရှင်ကြီးတွေပါပဲ။ မဆလခေတ် မှောင်ခိုစီးပွားရေးက ရထားကြတဲ့ ငွေကြေးအရင်းအနှီး၊ မူးယစ်ဆေးဝါးကရတဲ့ ငွေကြေးအရင်းတွေနဲ့ စစ်အုပ်စုရဲ့ဈေးကွက် စီးပွားရေး အရင်းအနှီး စုဆောင်းမှုကို စခဲ့ကြတာပါ။ ငွေမဲများနဲ့ စတဲ့စီးပွားရေးပါ။ ဒီတော့ စစ်အုပ်စု ရဲ့ဈေးကွက်စီးပွားရေးက စကတည်းက ယဉ်သကိုလို့ ဆိုရမှာပါ။

ဒီလိုနဲ့စခဲ့တဲ့ စစ်အုပ်စုရဲ့ ဈေးကွက်စီးပွားရေး ဖုတ်သွင်းရထားကြီးက သက္ကရာဇ်များကိုတနှစ်ပြီးတနှစ် ကျော်ဖြတ်လို့ လာခဲ့တယ်။ (၁၉) နှစ်ရှိခဲ့တဲ့ ဒီနေ့ ဒီအခြေအနေမှာ နိုင်ငံရဲ့စီးပွားရေးအခြေအနေက ဘယ်လိုလဲ။ ပြည်သူတွေရဲ့ စားဝတ်နေရေး၊ ပညာရေး၊ ကျန်းမာရေးစတဲ့ လူမှုဘ၀များကရော ဘယ်လိုပါလဲ။

(၂)

ဗိုလ်ချုပ်မှူးကြီးရဲ့စိန်စီသော ပွဲသဘင်ဆင်ယင်နေတဲ့ အချိန်မှာ သာမာန်ပြည်သူလူထုအတွင်းမှာတော့ ထမင်းရည်ဟာ ကုန်စည်တမျိုးအဖြစ်နဲ့ ၀ယ်လိုအား ကောင်းနေခဲ့ရတယ်။ နေ့စား၊ အလုပ်သမား လေးတဦး တနေ့ကျပ် (၅၀၀) ရဖို့ နေပူကျဲကျဲထဲ ချွေးသံရွှဲရွှဲနဲ့ ကုန်းရုန်းလုပ်နေရတဲ့အချိန်မှာ ဦးပိုင် လိမီတက်မှာ အစုရှယ်ယာထည့်ဝင်ထားခွင့်ရတဲ့ စစ်တပ်ရဲ့ ဆွေတော်မျိုးတော်များကတော့ (၃၀)% အမြတ်ကို အချိန်တန် ထုတ်ယူရရှိလို့နေပါတယ်။

နိုင်ငံစီးပွားရေးနဲ့ တဆက်တည်းဖြစ်တဲ့ ကျန်းမာရေး၊ ပညာရေး၊ အညွှန်းပြချက်တွေကို ကြည့်မယ် ဆိုရင်လည်း (၅) နှစ်အောက် ကလေးငယ်များရဲ့ သေဆုံးမှုမှာ အဟာရချို့တဲ့လို့ သေကြရတာက (၄၉.၃) % ရှိပါတယ်။ (၅) နှစ်ပြည့်လို့ မူလတန်းပညာကို စတင်မသင်ကြားနိုင်ကြတဲ့ ခလေးတွေက (၅၇) % ရှိနေပါတယ်။ ကျောင်းနေနိုင်ခဲ့တဲ့ ကလေး (၄၃) % ဟာလည်း မူလတန်းပညာပြီးလို့ အလယ်တန်းပညာကို ဆက်သင် နိုင်ကြတဲ့ကျောင်းသားက (၂၅)% သာရှိပြီး (၇၅)% က မူလတန်းပညာနဲ့ပဲ ပြီပြီး ကျောင်းထွက်လိုက်ကြပြန် ပါတယ်။

ကျေးရွာပေါင်း ၄၇၁-ရွာမှာ ကျေးလက်ဆေးပေးခန်း တခုသာ ရှိတဲ့ ဒီနိုင်ငံမှာလူ့သက်တမ်းဟာလည်း ၅၈-နှစ်သာရှိပါတော့တယ်။ အခြားအိမ်နီးချင်း အာရှနိုင်ငံတွေထက် (၆) နှစ်လျော့နည်းလို့နေတယ်။ လူ့ဘ၀ဆိုတာ ရခဲပါတယ်။ အပ်ဖျားချင်းထိဖို့ခက်ခဲသလို ခက်ခဲတယ်။ ဒီလိုရခဲတဲ့ လူဘ၀ကို စစ်အုပ်စုလက်အောက် မြန်မာနိုင်ငံမှာ ရခဲ့ရင်တော့ အခြား အိမ်နီးချင်း နိုင်ငံက လူ့ဘ၀ထက် (၆) နှစ် သက်တမ်းတိုပြီး လူ့ဘ၀ကို ရကြရမှာပါပဲ။ မတတ်နိုင်။ မနုသတ္တ ဒုလဘ္ဘ။

(၃)

စစ်အုပ်စုရဲ့ (၁၉) နှစ်တာ စီးပွားရေးကိုကြည့်ရင် ထောင်တက်နေတာတွေကတော့ ကုန်စည်းဈေး နှုန်းတွေ။ ငွေကြေးဖောင်းပွမှုတွေပါ။ ပေါများလာတာကတော့လှည့်လည်သုံးစွဲနေတဲ့ ကျပ်ငွေပမာဏ။ ကျဆင်းနေတာ ကတော့ မြန်မာကျပ်ငွေတန်ဘိုး။ နှစ်စဉ်နှစ်တိုင်းလိုနေတာကတော့ အစိုးရရဲ့ ဘတ် ဂျတ်လိုငွေလို့ ဆိုရမှာပါ။

တွေ့ရတဲ့အညွှန်းပြကိန်းတွေကို ချုပ်ကြည့်လိုက်ရင် အဖြေက။ စစ်အုပ်စုနဲ့ဈေးကွက်စီးပွားရေးဟာ ပုံပျက်ပန်းပျက်နဲ့ ပျက်စီးကျဆင်းနေတာပါပဲ။ စစ်အုပ်စုရဲ့ ဒီဘက် (၁၀) နှစ်ရဲ့ ကုန်စည်ဈေးနှုန်း ကိုကြည့်ရင် ၁၉၉၇ ခုနှစ် ဇူလိုင်လမှာ ရွှေဈေးက (၄၄,၀၀၀) ကျပ်ရှိခဲ့တယ်။ ပေါ်ဆန်းမွှေးဆန်က တအိတ်ကို (၂,၅၀၀) ကျပ် ဈေးပါ။ ဆယ်နှစ်ကြာသွားတဲ့ ၂၀၀၇ ခုနှစ် ဇူလိုင်လမှာတော့ ရွှေဈေးက (၄၆၆,၀၀၀) ကျပ်ထိ တက်လာခဲ့ပြီး ပေါ်ဆန်းမွှေးဆန်ကလည်း တအိတ်ကို (၂၈,၅၀၀) ကျပ်ဖြစ် လာပါတယ်။ ဆယ်နှစ်အတွင်း ကုန်စည်ဈေးနှုန်း (၁၁) ဆကျော် ထိုးတက်ခဲ့တာပါ။ ကုန်စည်ဈေးနှုန်း ဆတိုးတက်နေတာနဲ့ အချိုးတူစွာပဲ ဖြစ်လာတာက ငွေကြေးဖောင်းပွမှုပါ။

နောက်တခုက မြန်မာ့ကျပ်ငွေတန်ဘိုး။ ဘယ်လိုလဲ။ တရားဝင်သတ်မှတ်တဲ့ ငွေလဲမှု စံနှုန်းကတော့ အမေရိကန် တစ်ဒေါ်လာကို (၆) ကျပ်လောက်ပါပဲ။ ဒါပေမယ့် လက်တွေ့မှာ တရားဝင်သတ်မှတ် အသုံးပြုနေရတဲ့ ကျပ်ငွေရဲ့ တန်ဘိုးကတော့ အမေရိကန် တဒေါ်လာကို ၁၉၈၈-၈၉ မှာ (၅၅) ကျပ်၊ ၁၉၉၀မှာ (၆၂) ကျပ်၊ ၉၁ မှာ (၈၁) ကျပ်၊ ၉၂ မှာ (၁၀၀) ကျပ် ၊ ၉၄ မှာ (၁၂၀) ကျပ်၊ ၉၅ မှာ (၁၂၅) ကျပ်၊ ၉၇မှာ (၁၈၀-၃၀၀)-ကျပ်။ နှစ်စဉ် အမြဲကျလာ လိုက်တာ ၂၀၀၇ မှာ တော့ (၁၅၀၀) ကျပ် အထိ ဖြစ်ခဲ့ပါပြီ။

ဘောဂဗေဒပညာရှင်များရဲ့အဆိုအရ။ ဒေါ်လာတန်ဖိုးတိုးနှုန်းဟာ ကျပ်ငွေပမာဏ (Money Supply) တိုးတဲ့နှုန်းနဲ့ တိုက်ရိုက်အချိုးတူပါပဲလို့ ဆိုပါတယ်။ နောက်တဆက်တည်း ဆက်နွယ်နေတာက အစိုးရရဲ့ ဘတ်ဂျတ်လိုငွေပြမှု ပါ။ ဘတ်ဂျတ်လိုငွေတိုးတဲ့  ပမာဏနဲ့အညီ ကျပ်ငွေ ငွေကြေးပမာဏ တိုးတဲ့ ပမာဏဟာလည်း အတူတူရှိပြန်ပါ တယ်။ ဥပမာ ပြောရရင် ၁၉၉၅-၉၆ မှာ အစိုးရရဲ့ဘတ်ဂျတ် လိုငွေဟာ ကျပ်သန်းပေါင်း (၅၁,၄၇၂) သန်း ရှိခဲ့တယ်။ အဲ့ဒီ ပမာဏအတိုင်းပါပဲ။ ငွေကြေးပမာဏ လည်းတိုးခဲ့ပါတယ်။ အဲ့လိုတိုးတဲ့အခါမှာ ပုဂ္ဂလိကများက ဘဏ်အပ်ငွေကျပ်သန်း နှစ်သောင်းကျော်နဲ့ ၀ါဇီကရိုက်ထုတ်လိုက်ရတဲ့ ကျပ်သန်းပေါင်း ၂၅,၀၀၀ ကျော် ပမာဏကို ဖြည့်လိုက်ရပါတယ်။

အစိုးရရဲ့ဘတ်ဂျတ်လိုငွေပြမှုကလည်း နှစ်စဉ်နှစ်တိုင်းဆိုသလို လိုငွေပြမှုက တိုးနေတာပါ။ လိုငွေပြမှု တိုးသလောက်ကို ၀ါဇီက ကျပ်ငွေစက္ကူတွေ ရိုက်ထုတ်ပြီး ဖြည့်နေရပါတယ်။ အစိုးရရဲ့ ဘတ်ဂျတ် လိုငွေပြမှုက စလာတဲ့ဖြစ်စဉ်ဟာ မုန့်လုံးစက္ကူကပ်လို ဖြစ်နေတော့တာပါပဲ။ ဘတ်ဂျတ်လိုငွေပြလေ ငွေကြေးပမာဏက လိုက်တိုး ငွေကြေးပမဏတိုးတဲ့နှုန်းနဲ့ ဒေါ်လာတန်ဖိုးက တိုးလာ ဒေါ်လာတန်ဖိုး တိုးတော့ကျပ်ငွေတန်ဖိုးကျ။ ကျပ်ငွေတန်ဖိုးကျတာနဲ့အမျှ ငွေဖောင်းပွမှုကကြီးမားလာပြီး။ နောက်ဆုံး တော့ ကုန်စည်ဈေးနှုန်းများက အဆမတန်တက်။ အဆုံးမှာတော့ ပြည်သူလူထုသာပင် ကုန်ဈေးနှုန်း ကြီးမြင့်မှုဒဏ်ကို အလူးအလဲ ထိတွေ့ခံစားနေကြရတော့တာပါပဲ။

အရင်းစစ်ကြည့်ရင် အစိုးရရဲ့ဘတ်ဂျတ်လိုငွေပြနေမှုဟာ အဓိကပြဿနာပါ။ ဒီပြဿနာကို မဖြေရှင်း နိုင်သ၍တော့ “မုန့်လုံးစက္ကူကပ်” ဖြစ်စဉ်ထဲက ထွက်နိုင်မှာ မဟုတ်ပါဘူး။ ဘာလို့ နှစ်စဉ်နှစ်တိုင်း အစိုးရရဲ့ ဘတ်ဂျတ်ဟာ လိုငွေပြနေရသလဲ။ အဖြေက တကြောင်းတည်းနဲ့ပြီးပါတယ်။ စစ်အုပ်စုရဲ့ မက္ကရို စီးပွားရေးစီမံခန့်ခွဲမှု ညံ့ဖျင်းလို့ပါပဲ။ နောက်တဆင့်တက်ပြီး ပြောရရင်တော့ စစ်အုပ်စုဟာ
မက္ကရို စီးပွားရေးစီမံခန့်ခွဲမှုကို ဈေးကွက်စီးပွားရေး ဖွံ့ဖြိုးမှုရှုဒေါင့်က စီမံခန့်ခွဲခြင်းမျိုးမလုပ်ဘဲ စစ်အာဏာရှင်စနစ် ရှင်သန်တည်မြဲရေးဘက်က ရပ်ပြီး စီမံခန့်ခွဲလို့ပဲဖြစ်ပါတယ်။

တိုင်းပြည်အတွက် မလိုအပ်ဘဲ တပ်မတော်အင်အားကို တိုးချဲ့တယ်။ ဒီတော့ ကာကွယ်ရေးစရိတ်က တက်လာပါ တယ်။ ၁၉၉၇-၉၈ မှာ ကာကွယ်ရေး အသုံးစရိတ်က အစိုးရဘတ်ဂျတ်အားလုံးရဲ့ (၃၀.၆)% သုံးပါတယ်။ ဒါက လွန်ခဲ့တဲ့ (၁၀) နှစ်က၊ ကာကွယ်ရေးအသုံးစရိတ်ပါ။ အခု စစ်အုပ်စုက ကြပ်ပြေးနေပြည်တော် တည်ပြန်ပါတယ်။ နေပြည်တော်တိုင်းဆိုပြီး စစ်တိုင်းကြီးလည်း တိုးချဲ့ပြန် ပါတယ်။ ၂၀၀၇ ခုနှစ် ကာကွယ်ရေးအသုံးစရိတ်က လွန်ခဲ့တဲ့ ၉၇ ခုနှစ်ကထက် ရာခိုင်နှုန်းဘယ်နှစ်ဆ များမလဲ။ နောက်ပြီး ကြံ့ဖွံ့၊ စွမ်းအားရှင်၊ အမျိုးသမီးအဖွဲ့များ ဖွဲ့ပါတယ်။ အသုံးစရိတ်များက အစိုးရရဲ့ ဘတ်ဂျတ်ထဲက သုံးပါတယ်။ ဒီတော့ အစိုးရရဲ့ ဘတ်ဂျတ်လိုငွေဟာ တိုးပြီးရင်း တိုးလို့သာ နေတော့မှာပါ။

(၄)

ဈေးကွက်စီးပွားရေးရဲ့ အဓိကအနှစ်သာရက ဈေးကွက်ကိုလွတ်လပ်စွာ ဖွင့်ထားပေးဖို့နဲ့ လက်ဝါးကြီး အုပ်မှု မရှိဖို့ပါပဲ။ ဈေးကွက်အတွင်းမှာ ဈေးနှုန်းတွေဟာ ဈေးကွက်ရဲ့ပြဌာန်းမှုနဲ့ ဖြစ်ပေါ်နေမှာပါ။ အတက်အကျ ရှိနေပါမယ်။ ဒါဟာ ဈေးကွက်ရဲ့ သဘာဝပါ။ ဈေးကွက် ဈေးနှုန်း အတက်အကျကများ နေပြီး “မျှခြေ” ဖြစ်ဖို့လိုရင်လည်း ဈေးကွက်ကပဲမောင်းနှင်ပေးသွားပါလိမ့်မယ်။ ဒါကို ဈေးကွက်စီးပွား ရေးရဲ့ ခေါင်းကိုင်ဖခင်ကြီးဖြစ်တဲ့ ဒေါက်တာ အဒမ်စမစ်ကတော့ “မမြင်ရသောလက်” က ဈေးကွက်ကို တည်ငြိမ်အောင် ထိန်းပေးတာလို့ ဆိုပါတယ်။

ဒါပေမယ့် ၀ီစီမှုတ်ပြီး၊ သေနတ်သာဖောက်တတ်တဲ့ စစ်အုပ်စုကတော့ ဈေးကွက်စီးပွားရေးစနစ် ဆိုင်းဘုတ်ရှေ့ကနေပြီး ကုန်ဈေးနှုန်းတွေကို အမိန့်ပေးသတ်မှတ်နေပြန်ပါတယ်။ ဆန်ကုန်သည်ကြီး များကိုခေါ်ပြီး စပါးဈေး၊ ဆန်ဈေးကို ဘယ်၍ ဘယ်မျှနဲ့ရောင်း မကျော်စေနဲ့၊ ဈေးမကစားနဲ့ သတ်မှတ် ဈေးထက် ကျော်ရင် ဖမ်းမယ်။ ဆီကုန်သည်ကြီးများကိုလည်း ဒီအတိုင်းပါပဲ။ ဆန်ဈေး၊ ဆီဈေးတွေ ကိုဝီစီမှုတ် အမိန့်ပေးပြီး သတ်မှတ်နေတာပါ။ ထူးဆန်းစွာပါပဲ။ လွတ်လပ်တဲ့ဈေးကွက် စီးပွားရေး ကျင့်သုံးတာပါဆိုတဲ့ မြန်မာပြည်ရဲ့ ဈေးကွက်မှာ မှောင်ခိုဈေးနှုန်းဆိုပြီးဖြစ်လာခဲ့တာပါပဲ။ ဘုရင်နောင် ကျော်ထင်အနော်ရထာရဲ့ စစ်ချီ၊ စစ်တက်လောက်သာ လေ့လာဖူးတဲ့ စစ်အုပ်စုဟာ ဒေါက်တာ အဒမ်စမစ်ရဲ့ “မမြင်ရသောလက်” သဘောတရားကို မသိဘဲ ဈေးကွက်စီးပွားရေးစနစ်ကို အကောင် အထည်ဖော်နေကြပြန်တာလည်း အခက်သား။

ဈေးကွက်စီးပွားရေးစနစ်ရဲ့ “ရှင်သန်”မှုက လွတ်လပ်စွာ ပြိုင်ဆိုင်မှု ရှိခြင်းပါပဲ။ ဈေးကွက်ထဲမှာ ပါဝင်ကြတဲ့ အင်အားစုအားလုံးဟာ “ ပြင်ညီကွင်း” မှာ ရှင်ပြိုင်နိုင်ခွင့်၊ အခွင့်အရေးရှိဖို့ပါ။ အဲ့လိုမဟုတ် ရင် လက်ဝါးကြီး အုပ်မှုက ကြီးစိုးထားပြီးရှင်ပြိုင်ခွင့် အခွင့်အရေးက ပြင်ညီကွင်း မဖြစ်ဘူး။ နီးစပ်ရာ အသိုင်းအ၀ိုင်းက တာထွက်သာနေမယ့် အခြေမျိုးရှိနေပြီဆိုရင်တော့ အဲ့ဒီဈေးကွက်ဟာဈေးကွက်သေ ဖြစ်နေမှာပါ။ စစ်အုပ်စုရဲ့ ဈေးကွက်စီးပွားရေးမှာ ခေတ်တွေရှိခဲ့ပါတယ်။ ထွန်းကြည်ခေတ်၊ ခင်ညွှန့် ခေတ်၊ သန်းရွှေခေတ် စသဖြင့်ပါ။ အဲ့ဒီခေတ်တွေအလိုက် တာထွက်စောခဲ့ကြရတဲ့ ပုဂ္ဂိုလ်များ ရှိခဲ့ကြ ပါတယ်။ မေဖလားဝါးဦးကျော်ဝင်း၊ အာရှဓန ဦးအိုက်ထွန်း။ ယုဇန ဦးဌေးမြင့်၊ ဆရာကျောင်း။ အခု နောက်ဆုံးက ဦးတေဇတို့ခေတ်ပါ။

နောက်တခုကတော့ လက်ဝါးကြီးအုပ်မှုပါ။
၁၉၉၀ခုနှစ်မှာ စတင်ဖွဲ့စည်းခဲ့တဲ့ “စီးပွားရေးဦးပိုင် လီမိတတ်” ရဲ့ လက်ဝါးကြီးအုပ်ချုပ်ကိုင်မှုပါ။ စစ်တပ်က စီးပွားရေးမှာ ၀င်ရောက်လက်ဝါးကြီးအုပ်မှုပါပဲ။ စစ်အုပ်စုရဲ့ အာဏာစီးဆင်းမှု စာရင်းအရ နံပါတ် (၃-၄) အဆင့် ရှိတဲ့ ဗိုလ်ချုပ်ကြီးတဦးက ဦးပိုင်ရဲ့ ဥက္ကဋ္ဌ အဖြစ်တာဝန်ယူပြီးလုပ်ပါတယ်။ ဗိုလ်ချုပ်တွေ၊ ဗိုလ်မှူးချုပ်တွေက လီမိတက်ရဲ့ အဖွဲ့ဝင်တွေပါ။ `မ´ တည်အရင်းအနှီးက နိုင်ငံတော်ရဲ့ ဘဏ္ဍာငွေနဲ့ စပါတယ်။ နိုင်ငံတော် ဘဏ္ဍာငွေဆိုတာက သိကြတဲ့အတိုင်း ပြည်သူတွေရဲ့ အခွန်ဘဏ္ဍာ တွေပါ။ အကျိုးအမြတ်ခံစားကြရတာကတော့ စစ်တပ်ရဲ့ ဆွေတော် မျိုးတော်တသင်းပါပဲ။

၂၀၀၂ခုနှစ် နှစ်ပတ်လည် အစီရင်ခံစာအရ – အဲဒီနေ့အထိ လုပ်ငန်းပေါင်း ၄၈-မျိုးကို လုပ်ကိုင်နေခဲ့ ပါတယ်။ အပ်ချုပ်ဆိုင်လုပ်ငန်းကအစ သယ်ယူပို့ဆောင်ရေးလုပ်ငန်းအလယ် ဘဏ်လုပ်ငန်း၊ ကျောက် မျက်ရတနာ တူးဖော်ရေးလုပ်ငန်းအဆုံး။ အကုန်လုပ်ပါတယ်။ အာဏာနဲ့ ဆက်ထားတဲ့အတွက် လက်တံက ရှည်ပါတယ်။ ရေနံနဲ့ သဘာဝဓာတ်ငွေ့တူးဖော်ရေးလုပ်ငန်းကလွဲလို့ ကျန်တဲ့မြန်မာ့စီးပွား ရေးကဏ္ဍအားလုံးက လုပ်ငန်းအမျိုးမျိုးတိုင်းမှာ ဦးပိုင်က၀င်ပြီး လုပ်ပါတယ်။ မြန်မာ့စီးပွားရေးရဲ့ (၆၅)% လောက်ကို စီးမိထားပြီး လုပ်နေတာဖြစ်ပါတယ်။ သွင်းကုန်နဲ့ ပတ်သက်ရင် ဆီကုန်သည်ကြီး များအသင်းက နိုင်ငံခြားက စားဆီတင်သွင်းခွင့် မရပါဘူး။ ဦးပိုင်က သွင်းပါတယ်။

အုပ်စိုးသူအာဏာရှင်က စစ်အုပ်စု၊ စစ်အုပ်စုရဲ့ အကျိုးစီးပွားအတွက် ဦးပိုင်က စီးပွားရေးမှာဝင်ရောက် လုပ်ကိုင်တဲ့ လီမိတက်။ ဒီတော့ ဦးပိုင်နဲ့ ယှဉ်ပြီးပြိုင်လို့ ဘယ်သူရပါ့မလဲ။ ယှဉ်ပြိုင်မှုကင်းစွာနဲ့ ဦးပိုင်ဟာ မြန်မာ့စီးပွားရေးကို လက်ဝါးကြီးအုပ် ချုပ်ကိုင်လာတော့တယ်။ ဦးပိုင်ရဲ့ ၀ါးမြိုမှု့က ဒါနဲ့တင် မရပ်ပါဘူး။ အခြားသော ပုဂ္ဂလိက ကုမ္ပဏီများရဲ့ ရှယ်ယာများကိုလည်း အများအပြား ၀ယ်ပြီး ၀ါးမြိုဖို့ လုပ်နေပြန်ပါတယ်။ ဒီတော့ ချုပ်ကြည့်ရင် လက်ဝါးကြီးအုပ်မှုကြောင့် ပျက်စီးသွားရတာက မြန်မာ့ဈေးကွက်စီးပွားရေး။ လက်ဝါးကြီးအုပ်ချုပ်ကိုင်ပြီးလုပ်လို့ အကျိုးဖြစ်ထွန်းနေကြရတာက စစ်တပ်ရဲ့ဆွေတော်မျိုးတော် လက်တဆုပ်စာ။

ကိုလိုနီ ခေတ်လယ်လောက်ကပါ။ မြန်မာ့စီးပွားရေးကိုနိုင်ငံခြားသားအရင်းရှင်တွေ လက်ဝါးကြီးအုပ် အမြတ်ထုတ်နေတဲ့ အချိန်အခါပါ။ အထူးသဖြင့် တောင်သူလယ်သမားတို့ လယ်မဲ့၊ ယာမဲ့ဘ၀နဲ့
“ကူလီ” ဘ၀ အစပျိုးနေချိန်ပါ။ အဲ့ဒီလိုကာလဆိုးကြီးမှာ (၂၁) ဦးပါတီက ငါးထောင်စားဝန်ကြီးတွေ
ကို ကြည့်ပြီး ဆရာကြီး သခင်ကိုယ်တော်မှိုင်းက ရွံရှာစွာနဲ့ စာချိုးခဲ့ပါတယ်။

“…..အင်မတိ အင်မတန် မဟော်အသစ်တွေနှင့်
ကဇော်ခေတ်မှာ နွားပျိုနွားရိုင်းလိုပ ….။”
စစ်အုပ်စုလက်အောက် (၁၉) နှစ်တာ မြန်မာနိုင်ငံကလည်း ဆရာကြီးရဲ့ စာချိုးအတိုင်း “ကဇော်ခေတ်” ထက်တော့ မလျော့။

ကိုးကား….
-၂၀၀၁၊ ၀၂ ဦးပိုင်လီမိတက်နှစ်ပတ်လည် အစီရင်ခံစာ
– စီအာပီပီ၏ တနှစ်ပြည့် အစီရင်ခံစာ
-ကျော်ဝင်း၏ နိုင်ငံများ၏ဓန
– ၁၉၉၆ ခုနှစ် ၊ ဒီဇင်ဘာလထုတ် ဓနမဂ္ဂဇင်းတွင်ပါရှိသည့် စီးပွားရေးပညာရှင်များစကားဝိုင်း

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: