စစ်အုပ်စုအား စွဲချက်တင်ခြင်း အပိုင်း (၄)-လင်းဆွေ (၂၅-၉-၀၇)

လယ်ဖျက်ပိုး

(၁)

မြန်မာနိုင်ငံက စိုက်ပျိုးရေးနိုင်ငံ။ ရှေးအစဉ်အဆက်ကတည်းက လယ်ယာစိုက်ပျိုးရေးနဲ့ အသက်
မွေးဝမ်းကျောင်းခဲ့ကြတဲ့နိုင်ငံ။ ကိုလိုနီခေတ်က မြေရှင်ကြီးတွေကြောင့် လယ်သမားတွေရဲ့ ဓားမဦးချ မြေတွေ၊ ဘိုးဘွားပိုင်လယ်တွေ ချစ်တီးတွေလက် ရောက်ခဲ့ကြရတယ်။ လယ်လုပ်သူလယ်သမားတို့ ငတ်ခဲ့ကြရတယ်။ “ငတ်ရင်း အသေမခံနိုင်” လို့ လယ်သမားသူပုန်ကြီး ထခဲ့ကြတယ်။

အခုရော …။

လယ်သမားကတော့ လယ်ယာစိုက်ပျိုးရေးပဲ လုပ်နေကြတုန်းပါပဲ။ မြေနဲ့ဖက်ပြီးလုပ်ကြတဲ့သူတွေက တိုင်းပြည်လူဦးရေရဲ့ (၇၀%)။ မြေရှိမှ ထမင်းစားရတဲ့သူတွေ။ ဒီမြေတွေအသိမ်းခံရရင် ဒီလူတွေ
“၀မ်း” ဘယ်လို “၀” တော့မလဲ။ ကိုလိုနီခေတ်က မြေရှင်ချစ်တီးတွေက လယ်တွေကို သိမ်းတယ်။ မြေတွေကိုသိမ်းတယ်။ အရင်းရှင်စနစ်က မြေရှင်တွေဘက်က။ လယ်သမားဦးကြီးတို့ “ငတ်” ခဲ့ကြ ရတယ်။ ဒီနေ့ (၁၉) နှစ်ကြာ အာဏာသိမ်းထားတဲ့ စစ်အုပ်စုလက်ထက်မှာရော လယ်လုပ်သူ လယ်သမားဦးကြီးတို့ရဲ့ ဘ၀က ဘယ်လိုလဲ။

အသက်မွေးဝမ်းကျောင်းမှု အလုပ်အကိုင်အရ လူတန်းစားခွဲမယ်ဆိုရင် လယ်ယာမြေလုပ်ငန်းကို လုပ်ကိုင်ကြတဲ့ တောင်သူလယ်သမားတွေက စစ်အုပ်စု အာဏာသိမ်းထားတဲ့ (၁၉) နှစ်အတွင်းမှာ ဖိနှိပ်မှုအခံရဆုံးလူတန်းစားလို့ ဆိုရမှာဖြစ်ပါတယ်။ မိဘဘိုးဘွားပိုင်လက်ငုတ်လက်ရင်း လယ်မြေ
တွေ အသိမ်းခံရလို့ အလုပ်မဲ့အကိုင်မဲ့ ဖြစ်ကြရတာလည်း လယ်သမားတွေပါပဲ။ အခြားစက်ရုံ၊ အလုပ်ရုံက အလုပ်သမားတွေ အခမဲ့လုပ်အားပေး အဓမ္မခေါ်ခိုင်းတာကို မခံကြရပေမယ့် တောင်သူ ဦးကြီးတွေကတော့ မလွတ်ပါဘူး။ အဆိုးဆုံးကတော့ တာဝန်ကျေစပါး၊ သတ်မှတ်စပါး မပေးသွင်း နိုင်လို့ ထောင်တွင်းအကျဉ်းချခံကြရတာလည်း တောင်သူဦးကြီးတွေပဲ ဖြစ်ပါတယ်။

(၂)

ရန်ကုန်မြို့တော်တွင် သေနတ်သံများက စဲပြီ။ ပစ်ခတ်သတ်ဖြတ်ပြီးနောက် အာဏာသိမ်းစစ်အုပ်စုရဲ့ ရွှေဥာဏ်တော်စူးရောက်ပုံက သိန်းနဲ့ချီရှိတဲ့ ဆန္ဒပြလူအုပ်ကြီးရှိတာဟာ မြို့တော်အတွင်း လူနေ ထူထပ်လို့။ ဒီတော့ မြို့တော်နေလူထုကို လူစုခွဲပစ်ရမယ်။ ဒီတော့ ဘယ်လိုလုပ်မလဲ။ လုပ်ဟန်က ရှင်းတယ်။ ပြွက်ကျပ်နေတဲ့ လူနေရပ်တွေကလူတွေကို မြို့ပြင်ထုတ်။ မြို့သစ်တည်တာပါ။ အဲဒီမှာ ဒဂုံမြို့သစ်၊ ရွှေပြည်သာ။ လှိုင်သာယာစတဲ့ စတဲ့ မြို့သစ်တွေ ပေါ်လာတော့တာပါပဲ။

စစ်ဗိုလ်ကြီးတွေနဲ့ အရာရှိတွေ ရွာထဲလာကြ၊ ပြီးတော့ လယ်ကွင်းတွေဆီသွားကြ၊ ပေကြိုးတွေနဲ့ တိုင်းနေကြကတည်းက တိုးကြောင်ကလေး၊ တိုးကြောင်ကြီး၊ ထားဝယ်ချောင်၊ လေးထောင့်ကန် ရွာသားတွေ စိတ်ထဲမှာတော့ တထင့်ထင့်။ သို့လော သို့လော ။ မြို့ပြရဲ့ လမ်းတွေပေါ်မှာ လူထုကို ပစ်ခတ်သတ်ဖြတ်ပြီး ဒီစစ်ဗိုလ်တွေ လယ်ကွက်ထဲဆင်းလာတော့ လယ်ကွင်းတွေထဲကို ပြဿနာ
တော့ ခေါ်လာပြီနဲ့တူတယ်လို့ ရွာသားတွေက ထင်တော့ထင်မိကြသား။ ဒါပေမယ့် ဘာမှန်းရယ်လို့ အတိအကျမသိ။ မကြာ။

ရွာအစည်းအဝေးခေါ်ပြီ ဒီရွာ ဒီရွာတွေက ဒီမြေ ဒီလယ်တွေကို မြို့သစ်တည်ဖို့ စစ်အစိုးရက သိမ်းတယ်လို့ ပြောပါတယ်။ ဒီတော့မှ ငါ့လယ်တော့ ဘယ်နှစ်ဧကပါသွားပြီဆိုတာ လယ်သမား ဦးကြီးတို့ သိကြရပါတော့တယ်။ ပြောလဲ မပြောရဲကြ။ လက်ရဲဇက်ရဲနဲ့ သတ်ဖြတ်ထားတဲ့ သူတွေ ဆိုတော့ ကြောက်ကြရတယ်။ အသိမ်းခံလိုက်ရတဲ့ ရွာပေါင်းက မနည်း။ တိုးကြောင်ကလေး၊ တိုးကြောင်ကြီး၊ ထားဝယ်ချောင်၊ မဓ၊ စစ်ပင်၊ ကျူချောင်း၊ မလစ်၊ အရိုင်း၊ လေးထောင့်ကန်၊ ရွာသာကြီး၊ ရှမ်းတဲ၊ သုံးခွ၊ ညောင်ပင်၊ သရက်ပင်ချောင်၊ ရေတွင်းချောင်၊ သိမ်းချောင်၊ ကွင်းမ၊ ကျည်စု၊ ဆင်ခြေနဲ့ သိမ်ဆိပ်ရွာတို့။ မြေဧကက သုံးသောင်း။

မြို့ရွာအိုးအိမ်ဦးစီးဌာန ညွှန်ကြားရေးမှူးချုပ် ဦးအံ့ကျော်၊ ဒု- ညွှန်ကြားရေးမှူး ဗိုလ်မှူးတင်ဝင်း၊ လှည်ကူးမြို့နယ် မ.၀.တ ဥက္ကဋ္ဌ ဗိုလ်မှူးအေးမြင့်တို့ကတော့ လယ်မြေဧကသုံးသောင်းကို သိမ်းယူ ကြောင်း ဒဂုံမြို့သစ် တည်ဖို့ဖြစ်တဲ့အကြောင်း အေးအေးဆေးဆေးပဲပြောဆိုပြီး ပြန်သွားကြတယ်။ နားထောင်ပြီး အစည်းဝေးက မပြန်နိုင်ကြတာက အသိမ်းခံလိုက်ရတဲ့ရွာပေါင်း (၂၀) က လယ်သမား ဦးကြီးတွေ။

သူတို့၏ အာရုံများ၌ကား စိမ်းလန်းသော ကောက်ပင်များ။ ပြီးလျှင် ရွှေရောင်ကောက်နှံများ။
ထို့နောက် မို့မောက်နေတဲ့ ရွှေရောင်စပါးပုံကြီးများ။ သွားပြီ။ သေနတ်ပြောင်းဝရဲ့ အမိန့်အောက်မှာ လယ်မြေတို့ “ကော” ရပြီ။ “သရောကြီးခိုင်း” ရလေပြီ။  လယ်မြေဧက သုံးသောင်းက ထွက်လာမယ့် စပါးတင်းပေါင်း (၁၂) သိန်း။

မဖြစ်နိုင်တော့ …။

၁၉၈၈ ခုနှစ်ကစလို့ စစ်အုပ်စုဟာ ခေါင်းစဉ်အမျိုးမျိုးတပ်ပြီး လယ်သမားဦးကြီးများရဲ့ လယ်မြေ၊ ခြံမြေတွေကို သေနတ်ပြသိမ်းယူခဲ့ကြတယ်။ မြို့သစ်တည်ဖို့ ၊ စက်ရုံတည်ဖို့၊ စက်မှုဇုံဆောက်ဖို့၊ လမ်းဖောက်ဖို့၊ တူးမြောင်းတူးဖို့၊ တပ်ရင်းတပ်ဖွဲ့တည်ဖို့၊ ရေလှောင်တမံဆောက်ဖို့ ဦးပိုင်လိမိတက် အတွက်။ စုံလို့ပါပဲ။ အကြောင်းအရာအမျိုးမျိုး၊ ခေါင်းစဉ်အမျုိးမျိုးနဲ့ လယ်မြေတွေကို သိမ်းယူခဲ့တယ်။ ရန်ကုန်တိုင်းမှာဆိုရင် မြေဧက (၃၀,၂၃၀)၊ ပဲခူးတိုင်းမှာ (၃,၈၀၀) ဧက ၊ စစ်ကိုင်းတိုင်းက (၇,၈၀၀) ဧက၊ မကွေးတိုင်းမှာက (၁,၄၆၀) ဧက၊ ဧရာဝတီတိုင်းမှာ (၂,၀၇၄) ဧက။

ပေါင်းလိုက်ရင် တိုင်းငါး တိုင်းထဲမှာပင် စစ်အုပ်စု အဓမ္မသိမ်းယူထားတဲ့ မြေဧကပေါင်း (၄၅,၃၆၀)
ဧက ရှိပါတယ်။ ပြီးတော့ ဒီအထဲမှာ ရန်ကုန်-မန္တလေးကားလမ်းမကြီးဘေး မိုင်တိုင်အမှတ် (၃၇) နဲ့
(၃၈) ကြားက ဗိုလ်ချုပ်မှူးကြီးသန်းရွှေ၊ ရှေ့နေချုပ် ဦးသာဒွန်း၊ တရားသူကြီးချုပ် ဦးအောင်တိုးတို့ သိမ်းယူပိုင်ဆိုင်ထားကြတဲ့ ကိုယ်ပိုင်မြေဧကတွေ မပါသေးပါဘူး။ ဒါကလည်း စေ့စေ့ပေါက်ပေါက် စစ်တမ်းပြုပြီးထားတဲ့စာရင်း မဟုတ်သေးပါဘူး။ စစ်အုပ်စုကို စွဲချက်တင်ဖို့အတွက် “သက်သေခံပြ”
စာရင်းမျှသာပါ။

(၃)

၁၉၉၈-၉၉ ခုနှစ်ကစပြီး စစ်အုပ်စုဟာ မြန်မာ့လယ်မြေနဲ့ပတ်သက်လို့ ကြီးမားတဲ့အမှားအယွင်းကြီး တွေကို ကျူးလွန်ခဲ့တယ်လို့ ဆိုရမှာဖြစ်ပါတယ်။ အဲ့ဒါက ဘာလဲဆိုတော့ စစ်အုပ်စုက ပြည်တွင်း လုပ်ငန်းရှင်ကြီးတွေကို မြေဧက ထောင်သောင်းချီပြီး မြေယာစိုက်ပျိုးရေးမှာ လုပ်ကိုင်ခွင့်ပေးခဲ့ တာပဲဖြစ်တယ်။ လုပ်ငန်းရှင်ကြီးတွေဟာ မြေဧက ငါးထောင်နဲ့အထက် ပိုင်ဆိုင်လုပ်ကိုင်ကြတယ်။ အဲဒီလုပ်ငန်းရှင် မြေရှင်ကြီးတွေဟာ အထူးအခွင့်အရေးတွေ ရကြတယ်။

မြေယာပိုင်ဆိုင်လုပ်ကိုင်ခွင့်ကို နှစ်ပေါင်း (၃၀) လုပ်ခွင့်ရတယ်။ ထွက်လာတဲ့ဆန်းစပါးရဲ့ တ၀က်ကို နိုင်ငံခြားကို တင်ပို့ရောင်းချနိုင်တယ်။ တ၀က်ကိုတော့ ပြည်တွင်းမှာ လွတ်လွတ်လပ်လပ် သယ်ပို့ ရောင်းချလို့ရတယ်။ ပြီးတော့ နိုင်ငံခြားကနေပြီး လယ်ယာသုံးစက်ကရိယာတို့၊ ပိုးသတ်ဆေးတို့၊ ဓာတ်မြေသြဇာတို့ တင်သွင်းခွင့်ရတယ်။ အဲ့ဒါကလည်း အခွန်ကင်းလွတ်ခွင့်နဲ့ တင်သွင်းခွင့်ရတာ။

စစ်အုပ်စုက အဲ့ဒီမြေရှင်ကြီးတွေအတွက် ဆည်မြောင်းတွေ၊ တူးမြောင်းတွေ ဖောက်ပေးတယ်။ လမ်းတံတားတွေ ဆောက်ပေးတယ်။ ဆက်သွယ်ရေးကောင်းအောင် တယ်လီဖုန်းလိုင်းတွေပါ ဆင်ပေးတယ်။ ပြီးရင် မြေရှင်ကြီးတွေအနေနဲ့ စိုက်ပျိုးရေးအတွက် ငွေလိုရင် လိုသလောက် ဘဏ်တွေက ချေးခွင့်ရတယ်။ လုပ်ငန်းရှင် မြေရှင်ကြီးတွေကို လုပ်ကိုင်ခွင့်ပြုတဲ့မြေယာတွေဟာ မြေလွတ်၊ မြေလပ်၊ မြေရိုင်း ရေနက်ကွင်းမြေတွေလို့ စစ်အုပ်စုကဆိုတယ်။ ဒါပေမယ့်မဟုတ်ပါဘူး။

သိန်းရွှေကုမ္ပဏီက လုပ်ကိုင်ခွင့်ရတဲ့မြေဧက နှစ်သောင်းဆိုရင် ပဲခူးတိုင်း မင်းလှမြို့နယ်ထဲက
ကျေးရွာ (၁၇) ရွာက လယ်သမားတွေပိုင်တဲ့ ဘိုးဘွားပိုင် လက်ငုတ်လယ်ရင်းမြေတွေပါ။ အဲဒီမြေ တွေကို စစ်အုပ်စုက သိမ်းပြီး သိန်းရွှေကုမ္ဖဏီကို နှစ် (၃၀) ဂရံနဲ့ လုပ်ကိုင်ခွင့်ပေးခဲ့တာပါ။ ဆင်းရဲသားတောင်သူလယ်သမား အများစုကြီးရဲ့ ထမင်းလုပ်တွေကို “လု” ပြီး လုပ်ငန်းရှင် မြေရှင်ကြီးတွေကို စစ်အုပ်စုက “ခွန့်” နေတဲ့ လုပ်ရပ်ပါ။

၁၉၉၉ ခုနှစ် ဇန်န၀ါရီလမှာပဲ ကုမ္ပဏီအဖွဲ့အစည်း (၁၉) ခုရဲ့ မြေယာလုပ်ကိုင်ပိုင်ဆိုင်တဲ့ မြေဧကဟာ လေးသိန်းခုနှစ်သောင်းကျော်သွားခဲ့ပါပြီ။ ၂၀၀၄ ခုနှစ်မှာတော့ မြေပိုင်ရှင် ကုမ္ပဏီပေါင်းက (၇၃) ခု ရှိလာပြီး။ သူတို့တွေရဲ့ပိုင်ဆိုင်လုပ်ကိုင်နေကြတဲ့ မြေဧကပေါင်းက သုံးသန်းကျော်သွားပါပြီ။ မြန်မာ့ မြေယာအားလုံးရဲ့ (၂၀%) ပါ။ မြန်မာ့မြေယာရဲ့ လုပ်ကိုင်ပိုင်ဆိုင်ခွင့်အချိုးကိုကြည့်ရင် အစဉ်အဆက် လယ်ယာလုပ်ငန်းလုပ်ကိုင်လာကြတဲ့ တောင်သူလယ်သမား (၁၂) သန်းက မြန်မာမြေယာရဲ့ (၈၀%) ကို လုပ်ကိုင်ခွင့်ရပြီး၊ ကုမ္ပဏီ (၇၃) ခုက လုပ်ငန်းရှင် တရာမပြည့်တဲ့ မြေရှင်ကြီးတွေက လယ်ယာ
မြေ (၂၀%) ကို ပိုင်ဆိုင်လုပ်ကိုင်ခွင့်ရနေကြတာ ဖြစ်ပါတယ်။

တိတိကျကျ တွက်ကြည့်မယ်ဆိုရင်တော့ မြန်မာလယ်ယာမြေ စုစုပေါင်း ဧက (၁၆) သန်းကျော်ကျော် ရှိပါတယ်။ အဲဒီထဲကမှ တရာမပြည့်တဲ့ မြေရှင်ကြီးတွေက ဧက (၃.၂) သန်းကို ပိုင်ဆိုင်ကြပြီး။ လယ် သမား (၁၂) သန်းက မြေဧက (၁၃) သန်းကို လုပ်ကိုင်ခွင့်ရကြရတာပါ။ မြေယာလုပ်ကိုင်ပိုင်ဆိုင်ခွင့် အချိုး မညီမျှလွန်းသလို အခွင့်အရေးချင်းကလည်း ကွာဟလွန်းလှပါတယ်။ ၁၃၀၀ ပြည့် ဆရာစံ တောင်သူလယ်သမားအရေးတော်ပုံကြီး ဖြစ်ပွားခဲ့တဲ့အခြေအနေမှာ မြေယာပိုင်ဆိုင်မှုနဲ့ပတ်သက်ပြီး ကြည့်မယ်ဆိုရင် မြေပိုင်ရှင် ချစ်တီးကြီးတို့ ပိုင်ဆိုင်တဲ့ မြေယာဧကက အဲ့ဒီတုန်းက ဧက (၄) သန်း လောက် ရှိပါတယ်။ ကျန်လယ်သမားတွေပိုင်တဲ့ မြေယာက (၁၄) သန်းကျော် (၁၅) သန်းလောက် ရှိခဲ့ပါတယ်။ လယ်လုပ်သူ လယ်သမားဦးရေက (၃) သန်းကျော်ကျော်သာ ရှိပါတယ်။

ကိုလိုနီခေတ်ကတော့ ဗြိတိသျှကိုလိုနီအစိုးရက မြေရှင်ချစ်တီးလူတန်းစားကိုမွေးပြီး မြန်မာတောင်သူ လယ်သမားတွေကို ဆင်းရဲတွင်းနက်အောင် သတ်ခဲ့ပါတယ်။ အခု နအဖစစ်အုပ်စုကလည်း ရဲဘော် ရဲဘက် လုပ်ငန်းရှင်မြေရှင်ကြီးတွေကို မွေးပြီး မြန်မာတောင်သူလယ်သမားဦးကြီးတို့ ဆင်းရဲတွင်း နက်သထက်နက်အောင် တွန်းချ၍နေလေပြီ။ ယခုသတ်ကွင်းက သွေးရဲရဲ သံရဲရဲနှင့် အစိမ်းသေ သတ်ခြင်းမျိုးမဟုတ်။ ကြွေးတင်ကျွန်ဖြစ်။ နောက်ဆုံး လယ်ဆုံး မြေဆုံး။ လယ်မဲ့ ယာမဲ့၊ လယ်ကူလီ
ဘ၀ ရောက်စေရန်။

အခါတပါးက ပုဂံရွှေပြည်ရှိ ရွှေစည်းခုံစေတီတော်တွင် ကျန်စစ်သားမင်းကြီးက ကဗ္မည်းကျောက်စာ တိုင်တခုအား ရေးထိုးခဲ့တယ်။ မွန်ဘာသာနဲ့ ရေးထိုးခဲ့တဲ့ မွန်ကျောက်စာ။ “များစွာသော ခပ်သိမ်း သောသူအပေါင်းတို့သည် သားတကွဲ၊ မယားတကွဲ၊ မိတကွဲ၊ ဖတကွဲ၊ ဖြစ်ကြရကုန်၏။ ထိုသူတို့၏ ဆင်းရဲခြင်းဒုက္ခကို ငါငြိမ်းပါအံ့။ ထိုသူတို့၏ မျက်ရည်ကို ငါသုတ်ပါအံ့။ ငါ၏ လက်ယာဘက်လက်ဖြင့် ဆန်စပါးရိက္ခာကိုပေးအံ့။ ငါ၏ လက်ဝဲဘက်လက်ဖြင့် ၀တ်စားတန်ဆာကိုပေးအံ့။ အမိသည် သားငယ်ကို ရင်ခွင်၌နှစ်သိမ့်စေသကဲ့သို့ ငါသည်လည်း တိုင်းသူပြည်သားတို့အား နှစ်သိမ့်စေအံ့။”
ကျန်စစ်သားမင်းကြီးရဲ့ ရင်ဘတ်ထဲက မြင့်မြတ်တဲ့နှလုံးခုန်သံကို နှစ်ပေါင်း (၉၀၀) ကျော်တဲ့တိုင် ကြားနေရတုန်းပါပဲ။

စစ်အုပ်စုလည်း ခေတ်ပြိုင်ကျောက်စာတိုင်ကိုကြပ်ပြေးမှာ စိုက်ထူလို့နေပါတယ်…။
“ငါ၏လက်ယာဘက်လက်ဖြင့် လယ်သမားဦးကြီးများ၏ လယ်ယာမြေများအား သိမ်းအံ့။ ငါ၏ လက်ဝဲ
ဘက်လက်ဖြင့် ထိုထိုသော မြေယာတို့အား ရဲဘော်ရဲဘက်လုပ်ငန်းရှင်ကြီးများအား ပေးအံ့။”

ကြပ်ပြေးကျောက်စာတိုင်ပါ …။

ကိုးကား …
– စီအာပီပီ၏ တောင်သူလယ်သမားရေးရာကော်မတီနှစ်ပတ်လည် အစီရင်ခံစာ
– အောင်သူငြိမ်း၏ ဂလိုဘယ်လိုက်ဇေးရှင်း
– ဆရာစံဂျာနယ်များ

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: