မြန်မာနိုင်ငံ၌ ဘိန်းစိုက်ပျိုးမှုပမာဏ အမှန်မရနိုင်ဟု လေ့လာစောင့်ကြည့်သူများ ဆွေးနွေး

ပီတာအောင် / ၁၃ စက်တင်ဘာ ၂၀၀၇-ကုလသမဂ္ဂမှထုတ်ပြန်သည့် မြန်မာနိုင်ငံတွင်းဘိန်း
စိုက်ပျိုးမှုပမာဏခန့်မှန်းချက်များသည်အပြည့်အ၀ မှန်ကန်မှုမရှိကြောင်း မြန်မာနိုင်ငံ ဘိန်းစိုက်
ပျိုးမှု လေ့လာစောင့်ကြည့်သူများက ပြောကြားသည်။

ထိုင်းနိုင်ငံ ဘန်ကောက်မြို့၌ ယမန်နေ့ညကကျင်းပသော မြန်မာနိုင်ငံဘိန်းစိုက်ပျိုးမှုနှင့် ပတ်
သက်သည့် ဆွေးနွေးပွဲတွင် ယင်းသို့ ပြောခြင်းဖြစ်သည်။

မြန်မာနိုင်ငံရှိဘိန်းခင်းများကို တိုင်းတာရာတွင် ကွင်းဆင်းစစ်တမ်းကောက်ယူခြင်း၊ ဂြိုဟ်တုဖြင့်
တိုင်းတာခြင်းတို့ ပြုလုပ်သော်လည်း ဘိန်းစိုက်ဒေသအားလုံးသို့ မသွားနိုင်သည့်အတွက် အနီး
စပ်ဆုံးသာခန့်မှန်းနိုင်သည်ဟု ကုလသမဂ္ဂ မူးယစ်ဆေးဝါးနှင့် ပြစ်မှုဆိုင်ရာရုံး (UNODC) ရန်
ကုန်မှ ဘိန်းခင်းတိုင်းတာရေးကျွမ်းကျင်သူ ဇာဗီရာဘိုအန်က ဆွေးနွေးပွဲတွင် ပြောကြားသည်။

၎င်းက “ကျနော်တို့ရဲ့ အကဲဖြတ်ချက်တွေအရ ရှမ်းပြည်နယ်ရဲ့ ဒေသအတော်များများဟာ
ကုန်းမြင့် တောင်တန်းနေရာတွေဖြစ်တယ်။ အဲဒီဒေသက တချို့နေရာတွေမှာ ဘိန်းစိုက်ပျိုးမှု
မြင့်လာတာ ရှိနိုင်ပါတယ်။ အဲဒီနေရာတွေကို သွားရောက်နိုင်ဖို့ အကန့်အသတ်တွေရှိပါတယ်။

နောက်ပြဿနာတခုက နိုင်ငံရေးပြဿနာပါ။ ကျနော် မှတ်ချက်တခုပေးချင်တာက မြန်မာနိုင်ငံ
မှာ နိုင်ငံရေးတည်ငြိမ်အေးချမ်းမှု မရှိဘူးဆိုရင် ဘိန်းပပျောက်ရေး ဆောင်ရွက်မှုဟာလည်း
အောင်မြင် မှာမဟုတ်ပါဘူး” ဟု ပြောသည်။

ထိုသို့သွားရောက်ရန် ခက်ခဲသည့်နေရာများတွင် အပစ်ရပ်အဖွဲ့များ၊ လက်နက်ကိုင်သူပုန်အဖွဲ့
များ၊ အစိုးရတပ်များနှင့် တိုင်းရင်းသားအုပ်စုများ ရှိကြပြီး တဖွဲ့နှင့်တဖွဲ့ တိုက်ပွဲဖြစ်ပွားမှုများ
လည်း ရှိနေသည်ဟု ၎င်းက ရှင်းပြသည်။

ရှမ်းသံတော်ဆင့်သတင်းဌာန အယ်ဒီတာ ဦးခွန်ဆိုင်းကမူ လာမည့်နှစ်၌ မြန်မာနိုင်ငံတွင် ဘိန်း
စိုက်ပျိုးထုတ်လုပ်မှု ထပ်တိုးလာနိုင်သည်ဟု ခန့်မှန်းသည်။

ရှမ်းပြည်နယ်မြောက်ပိုင်း ၀ ဒေသ၌ ဘိန်းစိုက်ပျိုးမှုကျဆင်းသွားသည်ဟု UNODC က ပြော
ဆိုသော်လည်း ရှမ်းပြည်နယ် တောင်ပိုင်းနှင့်အရှေ့ပိုင်းတို့တွင် ဘိန်းခင်းအသစ်များ ထပ်တိုး
လာသည်ကိုတွေ့နေရပြီး ထိုပမာဏသည် လျော့သွားသောပမာဏထက် ပိုမိုများပြားနေသည်
ဟု ဦးခွန်ဆိုင်းက ပြောသည်။

၎င်းက “၀ က စိုက်စိုက် မစိုက်စိုက် အရင်က အထွက်နှုန်းအတိုင်း ပြန်ထွက်မှာပဲ။ ဆင်တ
ကောင်ကို ကြည့်တဲ့နေရာမှာ ကျနော်တို့လည်း ကျနော်တို့ဘက်က ကြည့်တယ်။ သူတို့ ကြည့်
တဲ့ဘက်ကလည်း မှန်တာရှိနိုင်တယ်။ ကျနော်တို့ ကြည့်တဲ့ဘက်ကို သူတို့မကြည့်နိုင်ဘူး။ ကျ
နော်တို့ ကြည့်တဲ့နေရာတွေမှာ ငြိမ်းချမ်းမှုမရှိတဲ့၊ လုံခြုံမှုမရှိတဲ့နေရာဆိုပြီး သူတို့မလာနိုင်ဘူး။
သူတို့က လုံခြုံမှုရှိတယ်ဆိုတဲ့ နေရာကျတော့ ကျနော်တို့က မသွားနိုင်ဘူး။ ဆိုတော့ ဒါတွေကို
ပေါင်းနိုင်ရင်တော့ ကောင်းမှာပေါ့”ဟု ပြောသည်။

ရှမ်းပြည်နယ်ဒေသအချို့၌ ဘိန်းစိုက်ပျိုးမှု ပပျောက်သွားခြင်းမှာ နအဖစစ်အစိုးရနှင့် ကုလသ
မဂ္ဂတို့၏ ဆောင်ရွက်ချက်ကြောင့်ချည်း မဟုတ်ဘဲ မိုးများခြင်း၊ ရေကြီးခြင်းစသည့်သဘာဝဘေး
အန္တရာယ်ကြောင့် တောင်သူများက နေရာပြောင်း၍ဘိန်းစိုက်ခြင်းကြောင့်လည်း ဖြစ်နိုင်သည်ဟု
ရှမ်းအမျိုးသမီးရေးရာ လှုပ်ရှားမှုအဖွဲ့ (SWAN) နန်းဆိုင်နှောင်းက ပြောသည်။

နိုင်ငံတကာအသိုင်းအ၀န်းအနေဖြင့် မြန်မာနိုင်ငံအပေါ်ထားရှိသည့် မူးယစ်ဆေးဝါးဆိုင်ရာ မူဝါဒ
များကို ပြန်လည်သုံးသပ်ပြီး အချက်အလက်အမှန်များ ရရှိစေရေးအတွက် အခြားနည်းလမ်းများ
ဖြင့် ပြောင်းလဲကျင့်သုံးရန် ဆွေးနွေးပွဲတက်ရောက်သည့် ရှမ်းအဖွဲ့(၂) ဖွဲ့က တောင်းဆိုသည်။

မြန်မာနိုင်ငံ၌ ၂၀၀၅ ခုတွင် ဘိန်းစိုက်ပျိုးမှု (၃၂,၈၀၀) ဟက်တာရှိခဲ့ရာမှ ၂၀၀၆ ခုတွင်
(၂၁,၅၀၀) ဟတ်တာသာရှိတော့သဖြင့် (၃၄) ရာခိုင်နှုန်းကျဆင်းသွားကြောင်း၊ရှမ်းပြည်နယ်
မြောက်ပိုင်း အထူးဒေသ (၂) ၀ ဒေသကိုဘိန်းကင်းမဲ့ဇုန်အဖြစ် ကြေညာနိုင်ခဲ့ကြောင်း
၂၀၀၇ ခု UNODC နှစ်ပတ်လည် အစီရင်ခံစာ၌ ဖော်ပြသည်။

ယင်းအစီရင်ခံစာကို ကိုးကား၍ နအဖစစ်အစိုးရက အောင်မြင်မှုတရပ်အဖြစ် နေ့စဉ်ထုတ်
သတင်းစာများ၌ ရေးသားဖော်ပြလေ့ရှိသည်။ ။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: